Қазақстанда жыл басынан бері кәмелетке толмағандарды зорлағаны үшін қанша адам сотталғаны белгілі болды.
Ішкі істер министрлігі Massaget.kz порталының ресми сауалына берген жауабына сәйкес, осы жылдың төрт айында кәмелетке толмағандарға зорлық-зомбылық көрсеткені үшін сотталған 352 адам пробация қызметінің есебінде тұр.
Департамент сотталғандарға қатысты арнайы шаралар қолданылатынын мәлімдеді.
«Сотты болғандардың тұрғылықты жерін, мінез-құлқын, оның ішінде интернет желісіне қосылған байланыс құралдарын электронды бақылау түрінде жүзеге асырылады», – делінген ресми жауапта.
Ішкі істер министрлігі баспасөз қызметінің мәліметінше, 2022 жылдан бері 114 сотталған адамға электрон бақылау қолданылған.