Түркістан облысында 30 елді мекенге газ берілді

0

Түркістан облысында ағымдағы жылдың тек мамыр-маусым айларында облыстағы 34 847 тұрғыны бар 30 елді мекен газ жүйесіне қосылды.

Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының «Бес әлеуметтік бастаманы іске асыру бойынша «Азаматтық бақылау» қоғамдық мониторингін жүргізу» гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі Азаматтық бақылау» қоғамдық мониторингін жүргізу барысында бес әлеуметтік бастаманың бесіншісі – Елді газбен қамтамасыз етуді жалғастыру Түркістан облысында қалай жүзеге асырылып жатқанына мониторинг жүргізілді.

Осыған байланысты облыстағы барлық аудан әкімдері тұрғындармен әр үйді газға қосу жұмыстары бойынша ұйымдастыру-түсіндіру жұмыстары жүргізіліп жатыр.

Облыстық энергетика және тұрғын үй-коммуналдық шаруашылық басқармасы қала, аудан әкімдері және «ҚазТрансГазАймақ» АҚ ӨФ бірлесіп, Түркістан облысындағы газ жеткізуші және газ таратушы жүйелерінің құрылысы жүргізілген елді мекендерді бюджет қаржысы есебінен газға қосу жұмыстарын атқаруда.

Басқарма тарапынан әр елді мекендегі тұтынушының газға қосылуына апта сайын мониторинг жүргізіліп келеді. Қалған елді мекендерді газға қосу Түркістан облысының кешенді даму іс-шара жоспарына сәйкес жүргізілетін болады.

 

 

Түркістан облысы әкімінің баспасөз қызметінің мәліметінше, ауданда 2015 жылы «Бейнеу-Шымкент» магистралды газ құбырының құрылысы жүргізіліп, қараша айында көгілдір отынның алауы жағылып, аудан орталығына газ берілген болатын. Облыс қазынасынан арнайы қаржы бөлініп, 2017-2018 жылдары аралығында аудандағы 8 елді мекенге газ құбырының құрылысы жүргізілді. 8 елді мекеннің 3-і Жамбыл ауылдық округіне қарасты ауылдар. Қазіргі таңда газ округ орталығына берілсе, қалған 2 елді мекенде жақын күнде кезек-кезеңімен қосылғалы отыр.

Сонымен қатар қазіргі таңда аудандағы 7 елді мекенде газ құбырының құрылысы жүргізіліп жатыр.

Сонымен қатар, Түркістан облысы, Бәйдібек ауданындағы Жамбыл ауылына газ берілді.

Салтанатты шараға арнайы қатысқан аудан әкімі Бақытбек Танагөзов жамбылдық тұрғындардың қуанышымен бөлісті.

«Тәуелсіздігіміз туын тіккен жылдардан бері елімізде, оның ішінде біздің ауданда көптеген ауқымды жұмыстар қолға алынып, ел игілігіне пайдалануға беріліп жатыр. Соның бір парасы бүгін Жамбыл ауылында жүзеге асуда. Бүгін міне қуанышты жағдайдың куәсі болып отырмыз. Ауылға көгілдір отын беріліп жатыр. Бұл – Тәуелсіздіктің тартуы», – деді әкім.

Көгілдір отынға қол жеткізген Жамбыл ауылының тұрғындары енді көмір тасып, күл шығармайтын болды деп, жүрекжарды тілегін жеткізген ауданның Құрметті азаматы, еңбек ардагері Әбдіхалық Ағабеков ел тұрғындары атынан алғысы мен ризашылығын білдірді.

Жамбыл ауылы бұған дейін газдандырылмаған болатын. Енді елді мекен тұрғындарын көгілдір отынмен қамтамасыз етуге қатысты туындаған сұрақтары толығымен шешімін тауып отыр.

Оставьте ответ

Ваш электронный адрес не будет опубликован.