Жамбыл облысында тойдан шыққан жастар жол апатына ұшырады, – деп хабарлайды КТК телеарнасы.
Телеарнаның мәліметінше, екі жеңіл көлік бетпе-бет соғылып, үш адам қаза тапты. Тағы екі жолаушы ауруханада ауыр халде жатыр.
Қайғылы жағдай Құлан ауылында болған. Меrcedes жүргізушісі қарсы бетке шығып кетіп, Volkswagen Passat-қа соғылған. Соққының даусынан тіпті тұрғындар шошып оянған.
Сондай-ақ, телеарнадағылардың мәліметінше, екі техниканың бөлшектері әр жерде шашылып жатыр. Біреуінің спидометрі сағатына 140 шақырым жылдамдықты көрсеткен бойда қатып қалған. Қазір осы дерекке қатысты тергеу амалдары жүріп жатыр.
«Қаза тапқандар – 1995 жылы туғандар. Екеуі де отбасылы болған. Кәмелет жасына толмаған екі балалары бар. Олардың ішімдік ішкен-ішпегендері сараптамадан кейін белгілі болады», – деді Жамбыл облыстық ПД баспасөз хатшысы Гүлсара Мұхтарқұлова.