Бүгін Бішкек қалалық соты Қырғызстанның бұрынғы президенті Алмазбек Атамбаевтың қамаудағы мерзімін ұзарту жөнінде отырыс өткізді, – деп хабарлайды 24.kg.
Атамбаевтың адвокаты Сергей Слесарев экс-президенттің 26 қазанға дейін қамауда болатынын айтты. Бірақ, оның айтуынша, бұл шешім заңсыз және құқыққа қайшы. Енді олар соттың бұл шешіміне шағымданбақшы.
Еске салайық, 9 тамызда Алмазбек Атамбаев ұсталған еді. Ол тергеу изоляторына қамалды. Оған дейін Атамбаевтың үйіне басып кіру операциясының қайта басталғаны хабарланған болатын. Кейінірек Қырғызстанның МҰҚК өкілдері Атамбаевтың мемлекеттік төңкеріс жасауға дайындалғаны айтылған еді.