Мойынқұмда ер адам 12 қап есірткімен ұсталды
Жамбыл облысында 12 қап есірткі тасымалдаған ер адам ұсталды. Бұл туралы өңірлік полиция департаментінің Instagram желісінде жарияланды.
«Жамбыл облысы Полиция департаментінің патрульдік полиция батальонының қызметкерлерімен Бірлік-Мойынқұм – Ұланбел тас жолының 33-шақырымында Шу қаласының 40 жастағы тұрғынының басқаруындағы «Toyota Runner» маркалы автокөлігі ұсталды», – делінген хабарламада.
Көліктен жалпы салмағы 287,5 келі болатын 12 қап кептірілген марихуана есірткі заты табылып, тәркіленді. Қазіргі уақытта аталған дерек бойынша Қылмыстық кодекстің 297-бабының 3-бөлігімен сотқа дейінгі тергеу амалдары жүргізілуде.
Күдікті Тараз қаласының Уақытша ұстау изоляторына қамаққа алынды.