Қазақстандық полицейлер Қырғызстан жүргізушілерінің шағымына жауап берді. Олардың айтуынша, жүргізушілер жол қозғалысы ережелерін сақтамайды екен. Жыл басынан бері Қырғызстан Республикасының жүргізушілері 47 ЖКО жасаған, – деп хабарлайды Жамбыл облыстық ПД баспасөз қызметі.
Осы 47 жол-көлік оқиғасы салдарынан 13 адам қаза тапқан, 96 адам зардап шеккен.
«Жыл басынан бері Жамбыл облысының жолдарында жақын шетелдердің жүргізушілерінің кінәсінен 51 жол апаты тіркелді, 14 адам қаза тауып, 99 адам жарақат алды. Бұл оқиғалардың 92 пайызын Қырғыз Республикасының жүргізушілері жасаған. Бұл 47 жол-көлік оқиғасы, 13 қаза болғандар мен 96 түрлі жарақат алғандар», – деп атап өтті полицейлер.
Жамбыл облысының полициясында Қырғыз Республикасының азаматтары Қазақстан аумағында қолданылып жүрген жол қозғалысы ережелерін елемейтінін айтады. Мысалы, бағдаршамның тыйым салатын түсіне өтіп, сыртқы жарық құралдарын, дыбыс сигналдарын пайдалану, апатты жағдайда сигнал беруді қолдану ережелерін, темір жол өткелдерінен өту ережелерін бұзады екен. Жолаушылар мен жүктерді тасымалдау, қауіпсіздік белдіктерін пайдалану және басқалар бойынша талаптарды сақтамайды. Жыл басынан бері көршілес елдің жүргізушілер жасаған 12548 жол қозғалысы ережесін бұзу дерегі анықталды. 79,3 миллион теңгеден аса айыппұл салынды.
Осы үрдісті бұзу үшін биыл желтоқсан айынан бастап «Борышкер» жедел-алдын алу іс-шарасы аясында Жамбыл облысы полиция департаментінің заңсыз көші-қонға қарсы арнайы жеке ротасының қызметкерлері «Айша бибі» өткізу пунктінде Қазақстан Республикасының заңнамасын бұзуға жол берген азаматтарды анықтау бойынша жұмыстар жүргізіліп жатыр. Оларға қатысты хаттама толтырылып, шешім қабылдау үшін Жамбыл облысы Жамбыл аудандық сотына жіберіледі.
Бұл тек биылғы заңбұзушылықтар. Қырғызстан Республикасының кейбір азаматтары биыл ЖҚЕ бірнеше рет бұзуға жол берген, оларға айыппұл салынған. Шетелдік азаматтар бұл айыппұлды төлемей, Жамбыл облысы аумағында бірен-саран келіп тұруды тоқтатпаған», – деді Жамбыл облысы полиция департаменті көші-қон қызметі басқармасының басшысы Арман Тұрдалиев.
Айта кетейік, Қазақстан Республикасының Азаматтық іс жүргізу кодексінің 384-бабында көші-қоннан басқа Қазақстан Республикасының заңнамасын бірнеше рет бұзуға жол берген шетел азаматын елден депортациялау түрінде жауапкершілік көзделген. Олардың арасында бұзақылық, қоғамдық орында мас күйінде болу және басқалары бар.
Бүгінгі таңда Жамбыл аудандық соты Қырғызстанның төрт азаматын жер аудару туралы шешім шығарды. Қосымша Красноярск қаласының тағы екі тұрғынына қатысты материалдар сотта қарастырылып жатыр.
Осыған дейін, Қырғызстанның Талас қаласында ондаған жергілікті жүргізуші алаңда жиналып, Қазақстанның жол полициясы қызметкерлеріне наразылық білдірген болатын.