63 жастан асқан ардагер спортшылар жүгіруде бақ сынады
Қазақстан Республикасының Тәуелсіздігінің 30 жылдығына арналған Меркі ауылдық округінің әкімшілігі, аталған округтің ардагерлер кеңесі, Меркі ауданды әкімдігінің дене шынықтыру және спорт бөлімінің «Бұқаралық спорттық іс-шаралар орталығының» ұйымдастыруымен ардагерлер арасында кіші футбол, жеңіл атлетика спорт түрлерінен аудандық жарыс өткізді.
А.Асқаров атындағы орталық стадионда өткен кіші футбол жарысына 45 жастан жоғары ардагерлерден жасақталған 8 команда жарыс жолына шықты. Тартысты өткен жарыс қортындысы бойынша: І-орынды Ойтал ауылдық округінің ардагерлер командасы, ІІ-орын Жаңатоған ауылдық округінің ардагерлер командасы, ІІІ-орынды Андас Батыр ауылдық округінің ардагерлер командасы женіп алды.
63 жастан асқан ардагер спортшылар 400 метр қашықтыққа жүгіруде бақ сынады. Жарыс қортындысы бойынша І-орын Аилшеив Нуржан, ІІ-орын Джамалов Гулаға ІІІ-орын Аметкулов Амангелді женіп алды. Жарыс жеңімпаздары мен жүлдегерлері кубок, диплом, медаль және Меркі ауылдық округінің бағалы сыйлықтарымен марапатталды.