Қаратау қаласында қатты желден зардап шеккен 8 көпқабатты үй мен «Игілік» КМК және қалалық әкімдік ғимаратының шатыры жөндеу бойынша жұмыстар басталуда. Ол бойынша бір мердігер компания өз жұмысына кірісіп кетсе, ертең таңертең тағы 6 мердігермен жиын өтеді.
Қазіргі кезде аудандық электр жүйесі мемемесінің 21 адамнан және 7 техникадан құралған 4 бригадасы Қаратау қаласы бойынша электр желілерін қалпына келтіру жұмыстарын атқаруда. Көпқабатты және жеке үйлердегі электр желілері де реттелуде.
Жылу көзі болып табылатын «Игілік» орталықтандырылған қазандығы штаттық режимде жұмыс істеп, Қаратау қаласының тұрғындарын жылумен қамтамасыз етуде. Электр энергиясына қосылған.
Қаратау қаласының ішкі көшелері құлаған тал-бұтақтарынан тазартылып, көліктердің жол жүруіне қолайлы жағдай жасалынды.