2020 жылдың 5 айында Жамбыл облысының экономикасы тұрақты өсім көрсетті. Өңірде «Нұрлы жер», «Нұрлы жол», ИИДМБ, «Қарапайым заттар экономикасы», «Жұмыспен қамтудың жол картасы-2020» және басқа да даму бағдарламалары белсенді түрде жүзеге асырылуда, – деп хабарлайды Тarazy.kz тілшісі ҚР Премьер-министрінің баспасөз қызметіне сілтеме жасап.
![](http://tarazy.kz/wp-content/uploads/2020/08/5e6bb99bbeefedef6f41f2a1ecd115c0-1024x576.jpg)
Экономиканың барлық дерлік сегментінде оң қарқын байқалады – өткен жылдың тиісті кезеңімен салыстырғада ауыл шаруашылығы және мал шаруашылығы 2,9%-ға, негізгі капиталға салынған инвестициялар 2,6%-ға, құрылыс көлемі 8,7%-ға өсті.
![](http://tarazy.kz/wp-content/uploads/2020/08/8e2a23a32c959650f82908fee8aa7333-1024x576.jpg)
Биыл Жамбыл облысында 550 мың шаршы метрге жуық тұрғын үй пайдалануға беріледі, 34 сумен жабдықтау нысанын пайдалануға беру жоспарланған. Жергілікті маңызы бар автожолдарды жөндеу бойынша 23 жоба іске асырылуда, оның ішінде «Тараз қаласынан Қырғызстан шекарасына дейінгі оңтүстік айналма жол» автожолын салу», «Тараз – Сарыкемер – Түймекент – Ақшолақ» облыстық маңызы бар автомобиль жолын реконструкциялау», «Тараз – Жетібай – Тегістік – Ойық» автомобиль жолын реконструкциялау» жобалары бар.
![](http://tarazy.kz/wp-content/uploads/2020/08/19be392d4973a62f8d14eb708140ac4c-1024x576.jpg)
2020-2025 жылдарға арналған индустриалды-инновациялық даму мемлекеттік бағдарламасы аясында Жамбыл облысында жалпы сомасы 1051,6 млрд теңгеге 24 инвестициялық жоба жүзеге асырылып жатыр.
![](http://tarazy.kz/wp-content/uploads/2020/08/c77d1a3a585191161dd19f36ebf63a66-1024x576.jpg)
«Қарапайым заттар экономикасы» бағдарламасы бойынша 68,6 млрд теңгеге 114 жоба мақұлданды, оның ішінде 2,2 млрд теңгеге 89 жоба қаржыландырылды.
![](http://tarazy.kz/wp-content/uploads/2020/08/0418aa145c7c1f55f9b6aba31d2e82c7-1024x576.jpg)
Осы жылдың 1 маусымындағы жағдай бойынша жұмыспен қамтудың белсенді шараларымен шамамен 17 мың адам қамтылды. «Жұмыспен қамтудың жол картасы» бағдарламасы аясында 831 инфрақұрылымдық жоба жүзеге асырылуда.
![](http://tarazy.kz/wp-content/uploads/2020/08/e49fa26f5f4ba8c498351140aebb28d8-1024x576.jpg)
Мемлекет басшысының тапсырмасы бойынша Жамбыл облысында ауылда кооперациялық тізбекті дамыту жөніндегі «Алаңнан сөреге дейін» жобасы жүзеге асырылып жатыр.
![](http://tarazy.kz/wp-content/uploads/2020/08/7938fdd9674dedd6d00c688f3ce44ded-1024x576.jpg)
Ол ауыл шаруашылығы өнімдерінің импортын қысқартуға, бағаны тұрақтандыруға және отандық өндірушілерді қолдауға бағытталған. Азық-түлік тауарларын тұрақты сатып алуды қамтамасыз етуге 50 сауда орны мен көтерме-тарату орталығы, сондай-ақ 21 өңдеу кәсіпорны, 45 шаруа қожалығы мен 10 кооператив қатысады.
![](http://tarazy.kz/wp-content/uploads/2020/08/794abd7082ba83cef512ee23471cde6c-1024x576.jpg)
Сонымен қатар ауыл тұрғындарының табысын арттыру жөніндегі пилоттық жоба іске асырылып жатыр, оның аясында 7,2 млрд теңге сомасына 2478 өтінім қаржыландырылды, облыстың 11 ауылдық округіндегі 7856 аула қамтылды.
![](http://tarazy.kz/wp-content/uploads/2020/08/a08dbecc3f3a14104954bad1fb18a84b-1024x576.jpg)
Биыл Қордай ауданында әлеуметтік, көлік және инженерлік инфрақұрылымды дамыту бойынша жалпы құны 20,5 млрд теңге болатын 387 жоба жүзеге асырылуда. 268 кентішілік көшелерді және аудандық маңызы бар 4 автожолды қоса алғанда, 350 км-ден астам жол жөнделеді.
![](http://tarazy.kz/wp-content/uploads/2020/08/29620ab9f656d71db2c4edca86793672-1024x576.jpg)
Мемлекет басшысының тапсырмасы бойынша осы жылдың соңына дейін Қаракемер, Ауқатты, Бұлар батыр, Сортөбе, Масанчи, Қарасу, Өтеген – 7 ауылы газдандырылады.
![](http://tarazy.kz/wp-content/uploads/2020/08/766ed7d4c5dff78700fe7323edf75800-1024x576.jpg)
«Нұрлы жер» мемлекеттік бағдарламасы аясындағы Қырғызстанмен шекарадағы «Қордай» шекара өткелін реконструкциялау жұмысы жолаушылар ағынын 4 есеге, ал автокөліктің мемлекеттік шекара арқылы өткізу қабілетін 2,5 есеге арттыруға мүмкіндік береді. Құрылыс жұмыстарын биыл желтоқсан айында аяқтау көзделген. Алдағы кезеңде Қырғызстанмен шекарадағы барлық 8 бекетті кезең-кезеңімен реконструкциялау жоспарланып отыр.
![](http://tarazy.kz/wp-content/uploads/2020/08/e9d61f4fdb8cad6d3cd881445c20fbf0-1024x576.jpg)
Биылғы 12-13 маусымда Жамбыл облысына жұмыс сапары аясында ҚР Премьер-Министрі Асқар Мамин Тараз қаласында, Жамбыл және Байзақ аудандарында, сондай-ақ Қордай ауданының Масанчи, Қаракемер, Сортөбе және Қордай ауылдарында болып, өңірді дамытудың мемлекеттік бағдарламаларының іске асырылу барысымен танысты.
![](http://tarazy.kz/wp-content/uploads/2020/08/764890039f66084b29a3091ad41d4a41-1024x576.jpg)
Сонымен қатар, Үкімет басшысы Асқар Мамин Жамбыл облысында Қордай ауданының Гвардейский қала үлгісіндегі кентінде ҚР БҒМ Ғылым комитетінің Биологиялық қауіпсіздік мәселелері ғылыми-зерттеу институты (ҒЗИ) жанындағы вакцина шығаратын биофармацевтикалық зауыттың құрылысын бастап берді.
![](http://tarazy.kz/wp-content/uploads/2020/08/73216ee6aab0b90c8d6973104b475810-1024x576.jpg)
Зауыт тиісті өндірістік тәжірибенің (GMP) халықаралық стандарты бойынша иммунобиологиялық дәрі-дәрмектер, оның ішінде коронавирус инфекциясына қарсы вакцина шығаратын болады. Қазіргі таңда Қазақстан ҒЗИ-ның COVID-19-ға қарсы кандидаттық вакцинасы ДДСҰ тізіміне енгізілген және клиникаға дейінгі сынақтан сәтті өтіп жатыр.
![](http://tarazy.kz/wp-content/uploads/2020/08/7cb62214d223430e385a1975c1cb6470-1024x576.jpg)
Сондай-ақ кәсіпорында пандемиялық тұмауға, туберкулезге, бруцеллезге, нодулярлық дерматитке, ұсақ күйіс қайыратын жануарлар обасына, қой мен ешкінің контагиозды эктимасына, қой шешегіне, құтырмаға және басқа да жұқпалы ауруларға қарсы вакциналар шығарылады.
![](http://tarazy.kz/wp-content/uploads/2020/08/c428341b500c62309c6a37ceddff28fd-1024x576.jpg)
Құрылыс жұмыстарын биыл желтоқсан айында аяқтау және жыл сайын биофармацевтикалық препараттардың 60 млн дозасына дейін өндіру көзделген.
![](http://tarazy.kz/wp-content/uploads/2020/08/d61e8211f4329c73a48bfb9c2aec4ff5-1024x576.jpg)
ҚР БҒМ Ғылым комитетінің Биологиялық қауіпсіздік мәселелері ҒЗИ 1958 жылы КСРО-ның 6 ірі вирусологиялық институтының бірі ретінде құрылды. Штат 214 ғылыми қызметкер мен жетекші вирусолог-ғалымдардан (академиктер, докторлар және ғылым кандидаттары, PhD) құралған, қауіпті инфекциялармен жұмыс істеуге арналған 13 зертхананы қамтиды.
![](http://tarazy.kz/wp-content/uploads/2020/08/6767149548a3f9266d9b91700c3160c3-1024x576.jpg)
ҒЗИ ауыл шаруашылығына және денсаулық сақтау жүйесіне арналған вакциналар әзірлейді, иммундық-биологиялық препараттар шығарады, биологиялық қауіпсіздік қаупі саласында зерттеулер жүргізеді, қауіпті және аса қауіпті ауруларды диагностикалау бойынша тест жүйелерін әзірлейді, вирустар мен микроорганизмдердің қауіпті және аса қауіпті штаммдарының депозитарийі саналады.
![](http://tarazy.kz/wp-content/uploads/2020/08/71ae90a33f42a15fecefddf5673c966a-1024x576.jpg)
Қазіргі уақытта ҒЗИ 5 зертхана базасында отандық вакциналардың 67 түрін өндірді, оның ішінде, денсаулық сақтау саласы үшін жоғары патогенді құс тұмауына қарсы (әлемде 7) және жоғары патогенді шошқа тұмауына қарсы (әлемде 6), ауыл шаруашылығы саласы үшін құс тұмауына қарсы (әлемде алғашқылардың бірі), бруцеллезге қарсы жаңа векторлық вакцина (әлемдік аналогтардан асып түседі). Осы жылы аусылға қарсы вакцина және 4 СОVID-19-ға қарсы вакцина әзірленуде.
![](http://tarazy.kz/wp-content/uploads/2020/08/f83b464cd98547741659aea8c4a67e63-1024x576.jpg)
ҒЗИ шетелге вакциналар жеткізуші ретінде Кеден одағының тізіліміне енгізілген, Ислам Ынтымақтастығы Ұйымына мүше мемлекеттердің вакциналарды өндірушілер тобына кіреді.
![](http://tarazy.kz/wp-content/uploads/2020/08/3faccfb299d2f50d3080080991fba556-1024x576.jpg)
![](http://tarazy.kz/wp-content/uploads/2020/08/b2cd60522ff5bd48df7d25dbb397595e-1024x576.jpg)
![](http://tarazy.kz/wp-content/uploads/2020/08/bd3f6c504e18e121c9688cb635e4e100-1024x576.jpg)