Астанада білім беру ұйымдарының бірнеше қызметкеріне әлеуметтік аударымдар жасалмағаны анықталды, деп хабарлайды Tarazy.kz
Астана қаласының «Алматы» ауданы прокуратурасы жүргізген талдау барысында білім беру ұйымдарының бірінде төрт қызметкердің құқықтары бұзылғаны белгілі болған.
Прокуратура мәліметінше, қызметкерлер қателесіп жасына байланысты зейнеткерлер санатына енгізілген, соның салдарынан оларға ұзақ уақыт бойы әлеуметтік аударымдар жүргізілмеген.
Алайда бұл қызметкерлер еңбек сіңірген жылдары үшін зейнетақы алады және қолданыстағы заңнамаға сәйкес міндетті әлеуметтік сақтандыру жүйесіне қатысуы тиіс.
Нәтижесінде 2023–2025 жылдар аралығында олардың пайдасына Мемлекеттік әлеуметтік сақтандыру қорына аударымдар жасалмаған.
Прокуратураның араласуынан кейін заңбұзушылықтар жойылып, қызметкерлердің құқықтары қалпына келтірілді. Жалпы 909 936 теңге көлемінде әлеуметтік аударымдар төленді, ал кінәлі лауазымды тұлға тәртіптік жауапкершілікке тартылды.
Қадағалау органы азаматтардың еңбек және әлеуметтік құқықтарын қорғау прокуратураның тұрақты бақылауында екенін атап өтті.
