8-10 тамыз аралығында Қазақстанның басым бөлігінде ыстық әрі құрғақ ауа райы сақталады. Бұл туралы «Қазгидромет» синоптиктері мәлімдеді, деп хабарлайды Tarazy.kz
Мамандардың болжамынша, алдағы күндері солтүстік және шығыс өңірлерде ауа температурасы +35…+39 градусқа дейін жылынады.
Оңтүстік облыстарда күн одан әрі ысып, +35…+41 градусқа дейін жетеді. Батыс және орталық аймақтарда да аптап ыстық сақталып, кей жерлерде ауа температурасы +41 градусқа дейін көтеріледі.
Сонымен қатар, кезең соңында еліміздің батысы мен солтүстік-батысында жаңбыр жауып, найзағай ойнауы мүмкін. Кей өңірлерде жел күшейіп, бұршақ түсу ықтималдығы бар.
Синоптиктер тұрғындарға күннің ең ыстық уақытында сақтық шараларын сақтап, мүмкіндігінше көлеңкеде болуға кеңес береді.
