Атақ алып, жұрттан сөз естіген танымал актер Еркебұлан Тоқтар сынға жауап берді, деп хабарлайды Tarazy.kz
Бұған дейін актер, ережесіз жекпе-жек шебері Еркебұлан Тоқтар Қазақстанның еңбек сіңірген қайраткері атанды.
«Қазақстан Республикасы Президентінің 2025 жылғы 21 қазандағы жарлығымен «Қазақстанның еңбек сіңірген қайраткері» құрметті атағы берілді», — деп жазды өзі әлеуметтік желіде бұған дейін.
Бұл турасында желі қолданушыларының пікірі қақ жарылды, бірі лайық екенін айтса, енді бірі бұл марапат артық екенін жеткізді: «Сәл ертелеу беріп қойды ма деп ойлап қоямын. Енді босаңсып кетпей, одан да үлкен белестерді бағындыруыңа тілектеспін!», «Лайықты емессің, былай промоушендарды ұтып жүрсің», «Еңбек сіңірген жоқ бұл, өзі айтып еді ғой елде шаруам жоқ, мен өз жұмысыммен жүремін деп».
«Марапатты сұраған жоқпын. Келіп-кетіп жатқан пайдасы жоқ. Мемлекеттен жеңілдік, ақша алмаймын. «Үкіметтен ақша алады» деп ойлайды. Бір тиын алмаймын, керегі де жоқ. Марапат берілді, алдым. Қуанышты болдым, өте үлкен марапат. Лайықпын па, лайық емеспін бе, ол жағын берген адам шешеді», — деді актер Еркебұлан Тоқтар Аман Тасығанға берген сұхбатында.
