Автор: admin
Бүгін аудан әкімдігінің мәжіліс залында ауыл шаруашылығы саласындағы бірқатар мәселе жан-жақты талқыланды.Аудан басшысы Сәкен Арубаевтың төрағалығымен өткен басқосуға құрамында облыстық ауыл шаруашылығы басқармасы басшысының міндетін уақытша атқарушы Қайрат Аманов, жер қатынастары басқармасының басшысы Бақтияр Көпбосынов, Тараз әлеуметтік кәсіпкерлер корпорациясы басшысының орынбасары Заңғар Кемелов бар жұмысшы топ «Жамбыл облысы тұрғындарының тұрмыстық табысын жақсарту» қанатқақты жобасы аясында ауыл шаруашылығы кооперативтеріне егістік жердің берілмегенін, аталмыш жобаның жақсылығын көріп отырған округде өндірілген өнімдерді «алқаптан сөреге дейін» тарауы арқылы өткерудің төмендігін, ұсақ шаруашылықты агрохолдингке біріктіру қажеттігін, ауыл шаруашылық техникалары тұратын қойманың тапшылығын, жеңілдетілген несиенің тиімділігін түсіндіріп, жоғарыда қаузалған мәселелерге атүсті қарауға болмайтынын айтып, дабыл қақты.Бұл…
Бесағаш ауылдық округіне қарасты Түрксіб ауылында көптің көмегімен тұрмыстық табысы төмен, баспанаға мұқтаж отбасыға арнап, үй салынуда. Округ әкімі Бейбіт Нигматуллаевтың айтуынша, бұл үйдің құрылысына тұрғындар өздері ұсыныс білдірген. Облыс әкімі Бердібек Сапарбаевтың «Асарлатып үй салу» жобасына ауданымыз расымен де, білек сыбана кірісті. Бесағаштықтарда ауылдық ардагерлер кеңесімен кеңесе келе, Бесағаштан баспана қажет деген азаматты анықтап, біркісідей атсалысты. Қажетті техниканы өзім апарып берем. Тұрғындар ұйымшыл. Қазіргі таңда шатырын бітіп, ішкі-сыртқы жұмыстарын үйлестіруде. Дегенмен округке қарасты Түрксіб ауылының азаматтары да сауапты істен кем қалмай, бізде ауылдан баспананы қажет ететін отбасына үй салмақшымыз деген талап-тілегін естігенде ырза көңіл таныттым. Бүгінде қажетті техника жұмылдырып,…
Жуырда «Қызыл ай» қоғамдық бірлестігі ауданымыздағы тұрмыстық табысы төмен және көпбалалы отбасылардың балаларына 100-ге жуық киім-кешек үлестірді. Бұл жағымды жаңалықпен бірлестіктің ауданымыздағы өкілі Шарипа Елібаева бөліскен еді. – Әрбір іс-әрекетімізді жақсылыққа жорығанымыз жөн. Тек өзгені қуанту үшін ниет етсек жеткілікті. Әлемде бала қуанышынан артық бақыт жоқ. Осы орайда Ащыбұлақ, Қаракемер, Аса ауылдарындағы балаларға демеушілердің аманатын табыстап қайтқан жайымыз бар, – деді Шарипа Рыскелдіқызы бізбен әңгімесінде. Сондай-ақ игі іске бейіл берген жан «Beiersdorf» фирмасының қолдауымен жалғызбасты аналарға әлеуметтік азық-түлік таратып, сауапқа кенелді. Тұрғындар әлеуметтік көмекті жылы қабылдап, таразыда салмағы ауыр амалдарға ден қойған қамқор жанға шексіз ризашылығын білдірді. Гүлбаршын Сейтқазиева, «Шұғыла».
Залалсыздандыру жұмыстары тұрақты жүргізілудеКүн жылына бастағалы түрлі ауру-сырқаудың өршігені белгілі. Әсіресе, кенеден келетін кесір адам өміріне өте қауіпті. Осы орайда Конго-Қырым геморрагиялық қызбасының алдын алу мақсатында «Ұлттық сараптама орталығы» аудандық бөлімшесінің мамандары Құмтиын елді мекенінде кенеге қарсы залалсыздандыру жұмыстарын жүргізді. Олар ауылдың саябақтары мен адамдар көп жүретін орындарда, сондай-ақ аудан аумағындағы барша тұрғындардың мал қоралары мен үй-жайларында залалсыздандыру жұмыстарын жүйелеуде. – Қазіргі таңда қауіпті кеселге қарсы улау жұмыстары жүргізіліп жатыр. Бұл бағытта аудандағы төрт ауылдық округте залалсыздандыру жұмыстары толық аяқталды. Осы уақытқа дейін кенеге қарсы күресте алдын алу жұмыстарының уақтылы орындалуына байланысты кенелер өңірде түпкілікті жойылды. Бүгінде Бектөбе, Айшабибі, Қаракемер,…
Қазақта «Ауылына қарап, азаматын таны» деген нақыл сөз бар. Ауыл ажары, көшелер келбеті, тұрғын үйлердің тазалығы елдің елдігін, береке-бірлігін айқындайды, қарапайым халықтың ауызбіршілігін көрсетеді. Қашанда біз үшін ауыл – ұлттық құндылықтарымызды сақтаған, берекесі артқан киелі мекен. Оның топырағы да, тауы мен тасы да ыстық. Олай болса, ауданымызда ырыс-дәулеті тасыған ауылдық округтердің бірі – Гродиковоның тыныс-тіршілігімен тереңірек танысуды жөн көрдік.Гродиково ауылдық округіБереке-бірлік бар жерде… Ауылдық округ – аудандағы өзге ұлт өкілдері көп шоғырланған елді мекен. Бүгінде округте 1319 аула, 6841 тұрғын бар. 25-ке жуық ұлт өкілдері бір шаңырақ астында тату-тәтті ғұмыр кешуде. Ауылдық округ әкімі аппаратында 8 мемлекеттік қызметші жұмыс істейді.…
29 тамыз – Семей ядролық полигоны жабылған күн.Қазақ даласы ядролық сынақ жарылыстарынан 40 жыл бойына көз ашпады. Осы жылдар ішінде 456 мәрте ядролық және термоядролық жарылыстар болды. 1953 жылы дүние жүзінде алғаш рет қуаттылығы 500 килотонна болатын сутегі бомбасы сыналды. Бірте-бірте халықтың наразылығы күшейе түсіп, 1989 жылы «Невада-Семей» антиядролық қозғалысы құрылды, оған елімізге белгілі тұлға Олжас Сүлейменов жетекшілік етті. Негізі, ядролық сынақ 1949 жылдың 29 тамызы күні басталғаны белгілі. 1991 жылы 29 тамызда Елбасының Жарлығымен Семей полигоны жабылып, артынша «тарих дертін» бастан өткеріп отырған АҚШ-та «Невада», Қытайда «Лобиардо» және Францияда ядролық сынақ полигондары тоқтатылды. Осылайша 40 жыл бойы жердің астынан…
Біз бүгінде өркениетті еліміздің дамуына тұсау, кемелденуіне кедергі келтіретін ғаламдық індетке айналған сыбайлас жемқорлықпен күресудеміз. «Жемқорлыққа жол жоқ!» деп ұрандатып, мінберлерден аузымызды толтырып айтқанымызбен, осының түп-тамырына қалай балта шабуға болады деген сауалға жауап іздеп жүргеніміз шамалы. Жемқорлық дертіне қалай душар болдық? Онымен күресті қайдан және қалай бастағанымыз дұрыс?! Қазіргі көпшіліктің басты арманы – бай болу. Бақуатты болу үшін ар-намысынан баз кешетіндер де бар. Адамға ақша қызмет етпей, адам ақшаға қызмет ететін түсінік қалыптасқалы бері адамзаттың санасы уланды, дүниенің құлына айналды. Жемқорлықтың етек алуы да осыдан. Осы қағиданы бұзбай қоғамдағы жемқорлықты жоя алмаймыз. Жемқорлық деп қоғамдағы рухани байлықтың құнсызданып, материалдық құндылықтың…
Тәуелсіздігіміздің бірден-бір айғағы болатын ол – Конституция. Ата Заңымызда біздің адами құндылығымыз бен бостандығымыз қамтылып, құқықтық нормаларымыз белгіленгені баршаға мәлім.Кемел келешектің кепіліне айналған Конституция құрметіне арналған мереке елімізде 30 тамыз күні республика көлемінде аталып өтіледі. Айтулы мерекеге орай аудандық «Жастар ресурстық орталығының» ұйымдастыруымен жас жамбылдықтар арасында «Ата Заң – елдіктің тұғыры» атты аудандық онлайн эссе байқауы өтті. Бәсеке барысында алдымен Аса ауылдық аула клубының жетекшісі Айдана Қыдырханова Конституция жайында ақпараттарымен бөлісіп, эссе жазудың шартын түсіндірді. Шығармашылық жарысқа ауылдық округтерден барлығы 10 жас қатысты. Жеке көзқарасты мәтінге негізделген бұл жазбаның нәтижесі де көп ұзамай анықталып, көркем сөздің хас шеберін айқындайтын байқауда…
Елімізде таза ауызсу күрделі мәселеге айналған. Оның ішінде ауданымыз да бар. Дегенмен, өзге аудандарға қарағанда Жамбыл ауданының жайы жақсы десек те болар. Ауызсумен 23 ауыл қамтылған. Кеше біз Аса ауылындағы жаңа бір көшеге су құбырын жүргізіп жатқан «Аса-Су» шаруашылық жүргізу құқығындағы мемлекеттік мекемесінің жұмысына куә болғанбыз.Жұмыс басынан осы мекеменің басшысы Марат Бұралқиевті кезіктіріп, әңгімеге тартқанбыз. – Біздің кәсіпорын стратегиялық объект болып табылады. Біз, негізінен, су құбырын және ағымды жөндеу жұмыстарын жүргізумен айналысамыз. Нақтырақ айтсам, кәсіпорын жерасты суын өндіріп және тазартып, халықты ауызсумен қамтамасыз ету, сорап стансаларына және су сорғыларына ағымды жұмыстар жүргізу, су есептегіш құралдарын орнату, жерасты суын пайдаланудың тиімділігін…
Жаңа ғасыр жаңаша көзқарас қалыптастырды. Әсіресе, ел арасындағы іскер азаматтар айрықша белсенділік танытып, келер күнге сеніммен көз тікті. Мақсат жолында алға ұмтылып, мына қоғамда масылдыққа бой үйретудің арты керуенге ілесе алмаған ақсақ түйенің кебін кигізетінін, көштің соңында қалуға әкеп соқтыратынын ой елегінде екшеп, ерінбей еңбек етудің маңыздылығын ұғынды. Сондай уақытпен үндесе кәсіп көкжиегін кеңейткен жандардың бірі – Полатқосшы ауылдық округінің тумасы, «Шарипов» шаруа қожалығының төрағасы Абдумалик Шарипов. Абдумалик Тоқтасынұлы кәсіпкерлікке тәуелсіздік алған алғашқы жылдары-ақ ден қойған. Түрлі қиындыққа қарамастан алға ұмтылды. Нәтижесінде, кәсібі қанатын кеңге жайды. Бүгінде егін шаруашылығын өркендетіп жүрген азаматты ауыл, аудан тұрғындары жақсы таниды. Кәсіпкерлікте жолы болған…