Автор: admin

Ұлыбритания тұрғыны лотереядан 123 миллион фунт стерлинг көлемінде джекпот ұтып алды, — деп хабарлайды Lenta.ru. The Mirror ақпараты бойынша, бұл көлемі бойынша елдегі үшінші үлкен ұтыс. EuroMillions лотереяның жеңімпазы қажетті 7 нөмірді (5 негізгі және 2 қосымша) дәл тапқан. Бұл лотереяның билеттері 2,5 фунт стерлинг тұрады. Қатысушы 1-ден 50-ге дейін бес санды және 1-ден 12-ге дейін екі санды дәл табуы қажет. EuroMillions әлемнің тоғыз елінде ұйымдастырылады. Биыл ақпанда ирландиялық Нол ауылының тұрғыны осы лотереядан 153 миллион фунт стерлинг ұтып алған болатын.

Үндістанның солтүстігінде пойызда отырған 4 жолаушы аптап ыстықтан мерт болды, — деп хабарлайды «Хабар 24». Мамандардың айтуынша, олардың үшеуі көлікте, ал біреуі ауруханаға барар жолда жан тапсырған. Жолға шыққандардың көбі Агра қаласынан Тадж-Махалға бара жатқан діндарлар екені белгілі. Айта кетейік, қазір елде ауа температурасы 45 градусқа дейін көтерілді. Синоптиктердің болжамы да көңіл көншітпейді. Осыған орай жергілікті билік тұрғындарға алыс сапарға шықпауға кеңес береді.

Президент қызметіне кіріскен Қасым-Жомарт Тоқаев тұрғын үй мәселесін шешу жайлы айтты. Президент салтанатты іс-шара барысында тұрғын үй мәселесін шешу жолдарына тоқталды. «Түрлі санаттағы азаматтардың қолжетімді баспанаға ие болуына айрықша назар аударамын. Біздің алдымызда бірыңғай тұрғын үй саясатын жасақтау міндеті тұр. Үкімет осы бағытта нақты шаралар қабылдайды. Содан кейін әділетті әлеуметтік саясат. Біз адам капиталын дамыту саясатын жалғастырамыз. Бұл бағытта ең алдымен не істеуіміз қажет? Жаппай білім беруді қолдау, барлық тұрғынға сапалы медицаналық қызмет көрсету. Бұл мәселелер бойынша біздің тұтас бағыт-бағдарымыз бар», — деді Тоқаев. Сондай-ақ, Президент мұғалімдердің және дәрігерлердің мәртебесін көтеретін жаңа заңдар қабылданатынын айтты. Тоқаев олардың құықығын қорғап, материалдық жағдайын…

Мемлекет басшысы Президентті ұлықтау рәсімінде сөйлеген сөзінде елді дамытудағы бағдарларды айтты. Оның айтуынша, бірінші бағыт: халықтың табысын арттыру. «Тұрақты және қарқынды экономикалық өсім арқылы ғана бұл мәселені шешуге болады. Ең алдымен өсім бізге не үшін қажет? Терең түсінуіміз қажет. Азаматтарымыз өз елінде алаңсыз өмір сүріп, еңбек етіп, ұрпағын тәрбиелеп, халқымыздың жетістіктеріне бірге қуанып, мақтан тұту үшін экономикалық өсім болуы тиіс. Таяу арада үкіметтің кеңейтілген отырысында біз еліміздің әлеуметтік экономикалық дамуына арналған нақты міндеттерді айқындаймыз», — дейді ол. Екінші бағыт, Тоқаевтың айтуынша, сыбайлас жемқорлықты жою. «Бірінші қыркүйекке дейін жемқорлықтың мөлшерін деңгейін мейлінше төмендетуге бағытталған реформалар топтамасы дайындалады. Жемқорлық мемлекеттің дамуын тежейтін кесел. …

Синоптиктер 2019 жылдың 13-15 маусым аралығында ауа райы қандай болатынын айтты «Қазгидромет» РМК баспасөз қызметі. «Жоғарғы барикалық жырамен солтүстік теңіздерден ылғал және салқын ауаның түсуі жалғасатындықтан ауа райында өзгеріс күтілмейді. Қазақстанның көптеген облыстарының кей жерлерінде алдағы үш тәулікте найзағаймен жаңбыр және екпінді жел, сонымен қатар күндізгі сағаттарда бұршақ күтіледі», — делінген хабарламада. Ауа температурасының қысқа мерзімге жоғарылауынан кейін қайта төмендеуі күтіледі, республикамыздың басым бөлігінде температура орташа көпжылдық мәннен төмен болады. Тек Маңғыстау облысында ыстық және жауын-шашынсыз ауа райы күтіледі.

Қасым-Жомарт Тоқаев Қазақстан Президентін ұлықтау рәсімінде сөйлеген сөзінде халықты не мазалайтынын айтты. Ол 2019 жылдың 13 мамырында жалпыхалықтық акция басталғанын еске салды. Президент оған атсалысқандардың барлығына алғыс айтты. «Акцияның басты мақсаты ел дамуындағы ең маңызды міндеттерді анықтау. Қазақстанның барлық аймақтарынан түрлі ұсыныстар жиналды. 540 мыңға жуық ұсыныс-тілектер келді. Бірге акцияға қатысып, азаматтық белсенділік көрсеткен халыққа шын жүректен алғыс білдіремін», — деді Президент. Ол мемлекеттік органдардың халыққа әділ қызмет көрсетуі жайлы сөз қозғады. «Біз қоғамдағы өзекті мәселелерді айқын көріп отырмыз. Оның шешу жолдарын білеміз. Бүкіл халықты ең алдымен не мазалайды? Азаматтар барлық жерде әділеттік орнауын қалайды. Әлеуметтік саясаттан бастап, мемлекеттік органдардың халыққа әділ…

Қазақстандықтар әлеуметтік желілерге қолжетімділіктің қиындауына шағымданды. Нұр-Сұлтан және Алматы қалаларында WhatsApp мессенджерінде кейбір пайдаланушылардың жұмыс істемей жатқанын жазды. WhatsApp-тың web-нұсқасында және мобильді қосымшада да байқалды. Кейбір қолданушылар хабарламалардың жіберілгенімен, бірақ медиафайлдар жүктелмейтінін айтады. Сондай-ақ, кейбір қазақстандықтар Facebook және Instagram желілеріне де кіре алмай отырғанын жазып жатыр.

Қасым-Жомарт Тоқаевтың атына Қазақстан Республикасының Президенті лауазымына сайлануына орай құттықтау жеделхаттары келіп жатыр, — деп хабарлайды Tengrinews.kz тілшісі Ақорда сайтына сілтеме жасап. Еуропалық кеңес төрағасы Дональд Туск өзінің құттықтау хатында Еуропалық одақтың Қазақстанмен қарым-қатынасына бейілді екенін тағы бір нақтылаған. «Қазақстан — Еуропалық одақтың маңызды әріптесі. Қазақстан мен Еуропалық одақ арасындағы әріптестік пен ынтымақтастық жөніндегі келісім, болашақтағы тереңдетуге ұмтылған біздің мазмұнды іс-қимылымыздың негізі болып табылады», — делінген жеделхатта. Дональд Туск бейбітшілік, тұрақтылық және гүлдену болып табылатын Қазақстанның аймақтық ынтымақтастық пен диалогтарды жүргізудегі рөлін құптады. Чехия Республикасының Президенті Милош Земан да Қасым-Жомарт Тоқаевты Қазақстан Республикасының Президенті лауазымына сайлануымен құттықтады. «Мен Сіздің Қазақстан Республикасының Президенті лауазымына сайланғаныңыз туралы хабарды үлкен…

Нұр-Сұлтанда Қазақстан Президенті Қасым-Жомарт Тоқаевты ұлықтау рәсімі өтті. Tengrinews.kz салтанатты шараны онлайн бақылады. Кейінірек Tengrinews.kz тілшісі ұлықтау рәсімінің толық видеосы мен Президенттің сөйлеген сөзін жариялайды. 11.40 Президентті ұлықтау рәсімі аяқталды. 11.32 Алаңда Қазақстанның Қарулы күштерінің салтанатты шарасы өтіп жатыр. 11.30 Қасым-Жомарт Тоқаев залдан шықты. Президент енді Тәуелсіздік сарайы алдындағы алаңға барады. 11.24 Қазақстанда Қоғамдық сенім ұлттық кеңесі құрылады. Кеңестің алғашқы отырысы тамызда өтеді. 11.19 «Биліктің халық алдындағы жауапкершілігін арттыруымыз керек». 11.17  Тоқаев қазақстандықтарға үнемі есеп беруге, тек уәде бермей, оны іс жүзінде жүзеге асыруға уәде берді. Сондай-ақ, Президент халықты не мазалайтынын айтты. «Халықты толғандырып отырған басты мәселе — табыс көлемінің азаюы. Халықаралық қаржы нарықтарының тұрақсыздығы, теңгенің…

Түркістан облысында ағымдағы жылдың тек мамыр-маусым айларында облыстағы 34 847 тұрғыны бар 30 елді мекен газ жүйесіне қосылды. Ақпарат және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының «Бес әлеуметтік бастаманы іске асыру бойынша «Азаматтық бақылау» қоғамдық мониторингін жүргізу» гранты аясында «Жамбыл облысы жастар ұйымдарының Қауымдастығы» заңды тұлғалар бірлестігі Азаматтық бақылау» қоғамдық мониторингін жүргізу барысында бес әлеуметтік бастаманың бесіншісі — Елді газбен қамтамасыз етуді жалғастыру Түркістан облысында қалай жүзеге асырылып жатқанына мониторинг жүргізілді. Осыған байланысты облыстағы барлық аудан әкімдері тұрғындармен әр үйді газға қосу жұмыстары бойынша ұйымдастыру-түсіндіру жұмыстары жүргізіліп жатыр. Облыстық энергетика және тұрғын үй-коммуналдық шаруашылық басқармасы…