Тұрғын үй-коммуналдық инфрақұрылымды кешенді түрде жаңарту бойынша мемлекет басшысының тапсырмасын орындау мақсатында премьер-министр Олжас Бектенов жаңа қаулыға қол қойды. Онда Павлодар, Екібастұз және Ақсу қалаларының жылу желілерінің құрылысы мен жөндеу жұмыстарына Үкімет қорынан 9 млрд. теңге бөлінетіні туралы жазылған, деп хабарлайды Tarazy ақпарат.
Павлодар қаласындағы ТМ-13 жылу желісінің 2,5 шақырымын салуға 3,6 млрд. теңге жұмсалмақшы. Бұл Павлов — Шевченко — Катаев көшелерінің бойындағы үйлерді жылумен қамтамасыз етеді. Онда 41,5 мың халық тұрады.
Ал Екібастұзда ТМ-1 және ТМ-3 жылу желілерінің 4 шақырымын жөндеуден өткізбекші. Оған 3,6 млрд. теңге қарастырылған. Нәтижесінде жаңа тұрғын үйлер мен әлеуметтік нысандар желіге қосылып, 4 мыңдай адам жылумен қамтылмақ.
Қалған 1,8 млрд. теңгені Ақсу қаласының 3, 5 және 8-ықшамаудандарындағы жылу желілері жөнделеді деп жоспарланған. Желінің ұзындығы 4,3 шақырым. Соңғы жылдары аталған аудандарда 40 реттен астам құбыр жарылуы болды.
Павлодар облысының әкімдігі берген мәлімет бойынша, жылу желілерінің ұзындығы Павлодар қаласында 828,1 шақырым (тозу деңгейі — 82,8%), Екібастұз қаласында 422,5 шақырым (тозу деңгейі — 90,7%), Ақсу қаласында 99,1 шақырым (тозу деңгейі — 59%).