Құрметті әлеуметтік желі қолданушылары! Мемлекеттік “Жұмыспен қамту жол картасы” бағдарламасы аясында іске асырылатын жобалардың сапасын бақылау және елді мекендерді абаттандыру және санитарлық тазалығын қадағалау бойынша Тараз қаласының аумақтық округтері бойынша 11 жұмыс тобы құрылғаны сіздерге мәлім.
Тараз қаласының №11 территориялық округіне қарасты-Құмшағал шағын ауданы және Қызылабад, Көлтоған, Жиделі, Казарма, Береке, Шөлдала алқаптарында үстіміздегі жылдың 8 мамырынан бастау алған жұмыстар №11 жұмыс тобының жетекшісі Серғали Өмірзақұлы Айдапкеловтың ұйымдастыруымен өз жалғасын табуда.
Жұмысшы топтың мүшелері округ территориясын аралап, ондағы мәселелерді анықтап, жағдаймен танысу нәтижесінде, үстіміздегі жылдың 12 мамыр күні топтың бірінші отырысында атқарылатын жұмыстар нақтыланды.
Жұмысшы топқа округ бойынша 19 870 тұрғынды қамтитын 48 көшенің жағдайыен зерделеу және “Жұмыспен қамту жол картасы” бағдарламасы аясында осы аумақтағы жүзеге асырылатын 4 жобаның сапасын бақылау және елді мекендерді абаттандыру тапсырылды.
Анықталған мәселелер:
— Жолдарды жөндеу;
— Электр энергиясының тарифі қаламен салыстырғанда қымбат;
— Жарық шамдары басты көшелерде жоқ;
— Табиғи газбен қамту. Тұрғындар өз қаражатына тартуда;
— Ауыз су мәелесі толық шешілмеген;
— Қоғамдық көлік сирек қатынайды;
— Аялдамалардың тозығы жеткен;
— Бәйберекет тасталған 4 қоқыс ошағы анықталды;
— Заңсыз қойылған екі дүңгіршекке ұсыныс берілді;
— 22 дүкенге жарнама туралы заң нормасын сақтау туралы ұсыныс берілді;
— Алқапта интернет желісінің жылдамдығы өте төмен;
— Банкоматтар орнату;
— Тұрғында спорттық кешен салуды сұрайды;
— Мал ұрлығы орын алуда және т.б. мәселелер.
Бүгінгі таңда анықталған мәселелерді шешу жолдары қарастырылуда.
Алғашқы болып шешілген мәселелердің бірі- арнайы техника жалданып, бәйберекет тасталған қоқыс ошақтары тазаланды.
Сондай-ақ, аумақтағы басты бес көшенің бойымен жаңадан трассалық ауыз су құбырын тарту жұмыстары мамыр айында басталады және 3 спорттық футбол алаңшалар салынады.
Жұмысшы топтың жұмысы облыс әкімінің бақылауында және нәтижесі туралы апта сайын тұрғындарға әлеуметтік желі арқылы фотоесеп беріліп отыратын болады.