Бүгінгі қала көлемінде өткізілген сенбілікте көше бойындағы 48 шақырым арық жүйелері тазалариылып, 81 техникамен 203 тонна күл-қоқыс шығарылды. Жалпы сенбілікке 5600 адам жұмылдырылды.
Сондай-ақ, қаланың орталық және магистральді көшелеріндегі санитарлық тазалық жөніндегі сенбілікке «КазтТрансГаз Аймақ» кәсіпорны да белсенді атсалысуда. «КазТрансГаз Аймақ» қызметкерлері жаңа 15 мөлтекауданды абаттандыруға жұмылдырылған. Мөлтекаудандағы көшелерге фрезерленген асфальт бетон төселуде Сонымен қатар мөлтекауданның аумағы тазартылуда.
Облыстық басқармалар мен қалалық мекемелер қаланың орталық және магистральді көшелерінде санитарлық тазалық жөніндегі сенбілікке белсенді атсалысуда.
Сүлейменов, Балуан Шолақ, Пушкин көшелерінің бойында облыстық және қалалық жұмыспен қамту және әлеуметтік бағдарламалар бөлімі, экономика және бюджеттік бағдарламалр, ауылшаруашылық,қаржы, сәулет және құрылыс бөлімдері көше бойындағы талдарды балақтап, арық жүйелерін тазарту жұмыстарын жүргізуде. Соынмен қатар көше бойындағы шөптерді орумен айналысуда.
Қаланың саябақтары мен көшелерінде дезинфекциялау жұмыстары жүргізілуде. ‘Жасыл Ел-Тараз» ЖШС-гіндегі техникаларға арнайы залалсыздандыруға арналған сұйықтықтар толтырылып, көше бойындағы талдар залалсыздандырылуда.
