Қысқа бейнероликтерді көруге және жасауға арналған TikTok жетекші платформасы Қазақстандағы өз қауымдастығымен бірге көктемнің бастауы Наурыз мейрамын атап өтеді.
- Tik Tok мерекелік онлайн-фестиваль алаңына айналды: #наурыз2023 арнайы хэштегі бойынша қазақстандықтар мерекені еліміздің түкпір-түкпірінде қалай атап өтетінін көрсете алады, мерекелік тағамдардың мәзірін бөлісе алады немесе қызықты дәстүрлер туралы айта алады.
- Онлайнда өтетін іс-шара Қазақстан Республикасы Мәдениет және спорт министрлігі мен “Kazakh Tourism” ұлттық компаниясының қолдауымен өтеді. Бұл бастаманы TikTok-тағы танымал контент авторлары да қолдайды.
Қазақстанның бай мәдениеті TikTok авторлары үшін нағыз шабыт көзі, олар әртүрлі елден келген платформаның миллиондаған қолданушысымен резонанс тудыратын шынайы және тартымды бейнероликтер жасайды. Мысалы, #историяказахстана хэштегі бойынша бейнероликтер 100 миллионға жуық қаралды, ал #Қазақстанмәдениеті тегі бойынша — 75 миллионнан астам қаралды. TikTok ұлттық мәдениетке зор көңіл бөледі және қазақстандықтарға өз елі туралы кең аудиторияға айтуға мүмкіндік береді.
TikTok-та көктем мерекесі Наурыз Қазақстанның түкпір-түкпірінен платформа қауымдастығын біріктіреді және ұлттық дәстүрлердің сұлулығын одан да аша түседі. Онлайн-фестиваль #наурыз2023 арнайы хэштегімен өтеді. TikTok платформа қолданушыларын ұлттық мереке, оның ерекшеліктері мен әдет-ғұрыптары туралы бейнероликтер түсіруге шақырады.
@bekarti ADAY #bekarti #Наурыз2023 #адай ♬ оригинальный звук — Акылбек
Үздік видеоролик түсірген авторлар «Rocket Go» туристік компаниясынан бағалы сыйлықтар алады. Байқау жеңімпазы және 2-ші және 3-ші жүлделі орындардың иегерлері 5 күн, 3 күн және 1 күн бойы Қазақстанның ең әдемі жерлеріне саяхат жасайды.
Қолданушылар тақырып ретінде төрт бағыттың бірін таңдай алады:
- Тағам: авторларға мерекелік сүйікті тағамының мәзірін бөлісу ұсынылады.
- Саяхат: елдің түкпір-түкпірінде Наурыз қалай тойланатынын әңгімелеп беріңіз немесе көрсетіңіз.
- Мәдениет: мерекенің қызық әдет-ғұрыптарын немесе дәстүрлерін әңгімелеп, көрсетіп беріңіз, Наурызға байланысты мифтер мен аңыздар туралы айтыңыз
- Ән: өзіңіз орындаған ұлттық биді немесе сүйікті қазақ музыкасын орындауыңызды бөлісіңіз.
@urbish_amir #наурызкоже #наурыз2023 ♬ оригинальный звук — Урбиш Калмуратова
Мерекеге танымал TikTok креаторлары қосылды: Белес @dombrart музыканттары мен домбырашылары, Ақылбек @bekarti пен Жақсылық @zhakso_, аспаздар Ромаль @romalfood, Руслан @Russokitchen мен Дания @daniyaarman, саяхатшылар Әйгерім @sayahatshy, Әсия мен Дидар @2travelerslife, Данияр @kangozhayev және Лана @grandefleur, сондай-ақ танымдық контент авторы Митя @mbainazarov.
Наурызға арналған онлайн-фестивальдің қорытындысы, үздік бейнероликтер мен байқау жеңімпаздары 29 наурызда жарияланады.
TikTok туралы
TikTok — қысқа видеолар жасауға арналған жетекші қосымша. Біздің миссия — адамдарды шығармашылыққа шақыру және оларға қуаныш сыйлау.