Қазақстанда жаңа Салық кодексінің аясында қосымша құн салығы (ҚҚС) жүйесіне енгізілетін өзгерістер ел экономикасына, кәсіпкерлікке және халықтың күнделікті өміріне айтарлықтай әсер етуі мүмкін. Қазір бұл қоғамда қызу талқыланып жатыр. Әлбетте ешкім салық төлеуге құлшынып тұрған жоқ. Бірақ одан ешкім қашып құтыла алмайды, дейді сенатор Зәкіржан Кузиев.
Экономикалық және әлеуметтік зардаптары бар, бірақ соның халық пен кәсіпке жеңіл болуы үшін Үкімет пен Парламент бірігіп, тиімді шешімдер қабылдауы тиіс екенін айтады, депутат Атамекен Бизнес телеарнасына берген сұқбатында.
Бағаның өсуі және инфляция
ҚҚС мөлшерлемесінің 12%-дан 16%-ға дейін көтерілуі тауарлар мен қызметтердің қымбаттауына әкеледі. Ұлттық экономика министрі Серік Жұманғариннің айтуынша, бұл өзгеріс тұтынушы бағаларының 4,5%-ға дейін өсуіне себеп болуы мүмкін .
Шағын және орта бизнестің жүктемесі
ҚҚС бойынша міндетті тіркеу шегінің 78,6 млн теңгеден 15 млн теңгеге дейін төмендетілуі көптеген шағын кәсіпкерлерді салық төлеуші ретінде тіркелуге мәжбүрлейді. Бұл олардың әкімшілік шығындарын арттырып, салықтық жүктемені көбейтеді .
Көлеңкелі экономиканың өсу қаупі
Сарапшылар ҚҚС мөлшерлемесінің көтерілуі көлеңкелі экономиканың үлесін арттыруы мүмкін деп алаңдауда. Президент Қасым-Жомарт Тоқаев та бұл мәселені көтеріп, ҚҚС-ты 12%-дан 16%-ға дейін көтеру мәселені шешпейтінін атап өтті, дейді депутат.
