Жамбыл облысында елді газбен қамтамасыз ету мәселесіне қандай кедергілер бары анықталды.
ҚР Ақпараттық және қоғамдық даму министрлігінің қолдауымен «Азаматтық бастамаларды қолдау орталығы» коммерциялық емес акционерлік қоғамының «Бес әлеуметтік бастаманы іске асыру бойынша «Азаматтық бақылау» қоғамдық мониторингін жүргізу» аясында «Жамбыл облысы жастар ұйымдарының Қауымдастығы» заңды тұлғалар бірлестігі газбен қамтамасыз ету мәселелерін анықтау мақсатында сауалнама жүргізген.
Бес әлеуметтік бастаманың маңызды бағдарламаларының бірі — елді газбен қамтамасыз етуді жалғастыру. Осы бағыттағы проблемаларды анықтау үшін өңірде сауалнама жүргізілген болатын. Оның нәтижесі бойынша анықталған мәселелер: газ тұтынушылары үшін қосылу қызметінің қымбаттығы — 56,0 пайызы. Сауалнама жүргізу барысында ауыл тұрғындарының қаражаттың жетіспеушілігінен газсыз отырғанын айтып түсіндірді. Бұған себеп — әр ауданда газ кіргізу қызметінің қымбаттығы; Шалғайдағы елді мекендерді газбен жабдықтау талаптарына сәйкес келемеуі — 34,0 пайыз; жеткізушілермен және қосалқы мердігерлік ұйымдармен проблемалар — 9,1 пайыз; Сыбайлас жемқорлық қауіптері — 9 пайыз.
Көгілдір отынның көпшіліктің тұрмысына тигізер пайдасы мол. Сол үшін Елбасының тапсырмасын тиянақты орындап, ел халқын мүмкіндігінше газбен қамту кезек күттірмейтін маңызды мәселе. Бұл жұмыс қазіргі таңда Жамбыл облысында шындап қолға алынған.