АҚШ президенті Дональд Трамп ұсынған Бейбітшілік кеңесіне оннан аса ел қатысуға ниет білдірді, деп хабарлайды Tarazy.kz
Әзірге шақыруды ашық түрде бес мемлекет қана қабылдаған. Олар – БАӘ, Беларусь, Марокко, Венгрия және Канада.
Ал Ақ үй өкілдері кеңеске мүше елдер үш жылдық қатысу мерзімін тұрақты мүшелікке ауыстыру үшін 1 миллиард доллар көлемінде жарна енгізе алатынын мәлімдеді.
Еске салайық, бұған дейін АҚШ президенті Дональд Трамп Қазақстанды және Мемлекет басшысы Қасым-Жомарт Тоқаевты Газа мәселесі жөніндегі Бейбітшілік кеңесінің құрамына шақырды.
Ұйымның жарғы жобасына сәйкес кеңестің алғашқы төрағасы міндетін АҚШ президенті атқарады. Сондай-ақ, ұйымға қай елдер мүше болатынын өзі шешпек.
