«ЖАСҰО» РМК Алматы облыстық филиалының мамандары «Бос жұмыс орындары» жәрмеңкесіне қатысты. М.Тынышпаев атындағы Логистика және көлік академиясында ұйымдастырылған іс-шарада ЖАСҰО Алматы облыстық филиалы 8 бос жұмыс орнын ұсынды. Олардың ішінде инженер, зертханашы, техник мамандары бар.
Жалпы жол саласындағы кадр тапшылығын азайту мақсатында ЖАҰСО салада білім алып жатқан студенттерді жұмысқа орналастыру, өндірістік практикадан өткізу сынды жұмыстармен белсене айналысуда.
Осы мақсатта жыл басынан бері төрт «Бос жұмыс орындары» жәрмеңкесіне қатысып, ЖОО студенттерімен кездесу өткізілді. Филиал мамандары түлектерге келешекте жұмысқа орналасу және оқу кезеңінде студенттердің өзін-өзі дамытатын мүмкіндіктерін айтты. Одан бөлек, еліміздің автожол ЖОО-да оқудың артықшылықтары туралы мәлімет берілді. Айта кету керек, биылғы оқу жылына мемлекет «Көлік құрылысы» білім беру бағдарламалары тобына 700-ден астам грант бөлінген. Оқуға түсу үшін бейіндік пәндер-математика және физика жіне 50 балмен өту мүмкіндігі қарастырылған.
Жалпы Жол активтері сапасының ұлттық орталығы жыл сайын жастарға кәсіптік бағдар беру жұмыстарын жүргізеді. Кәсіпорында студенттер ақылы өндірістік практикадан өтеді (80 мың теңге./ ай.). 243 студент ЖАСҰО-да тәжірибеден өтті, оның 19-ы кәсіпорынға жұмысқа орналасқан.