Қордайлықтар жедел жәрдем көліктеріне қарық болды

0

Жамбыл облысына қарасты аудандарға 39 арнайы медициналық жедел жәрдем көліктері салтанатты түрде тапсырылды, — деп хабарлайды Tarazy.kz тілшісі. Іс-шара ҚР Конституция күнінен орай ұйымдастырылды.

Соның ішінде, Қордай ауданына – 11 автокөлік, Тұрар Рысқұлов ауданына – 9 автокөлік, Шуға – 6, Жамбыл, Жуалы аудандарына – 3 автокөліктен берілсе , Меркі, Мойынқұм және Сарысу аудандарына – 2 автокөліктен, Талас ауданына -1 автокөлік берілді. Жалпы облыста 390 денсаулық сақтау мекемесі бар. Оның 29-аурухана, амбулаториялық – емхана саны – 350, басқалары – 11.

Былтыр мемлекеттік жекешелік әріптестік аясындағв 29 нысанның құрылысын салу барысында өзге өңірлердегі бюджеттік инвестициялық жобалармен салыстырғандағы құны төмен болып, 1,4 миллиард теңге бюджеттік қаражат үнемделген. 2019 жылы мемлекеттік-жекеменшік әріптестік шеңберінде облыс аумағындағы елді мекендерде 65 денсаулық сақтау ұйымдарының ғимараттарын салу жоспарланған. Осылайша, өңірде 2020 жылға дейін қажетті  ғимараттар салу мәселесі 100 пайыз шешіледі.

«Дипломмен ауылға!» бағдарламасы шеңберінде облысымызға 2017 жыл мен 2019 жылдың 6 айында 256 жас маман келді. Денсаулық сақтау министрлігінің бөлінісі  бойынша 185 жас маман облысқа жолдама алды. Оның ішінде 79-сі қалаға,106-сы ауылға. 2019 жылы 7 айында облысқа 37 жас маман келді. Оның ішінде, өз еркімен келгендердің саны – 20. Жалпы, келген 37 жас маманның ішінде 9 жас маман – қалада, 28 жас маман – аудандарда еңбек етуде», — деді іс шараның ашылу рәсіміне қатысқан  облыс әкімінің орынбасары Еркебұлан  Дауылбаев.

Еске салайық, қалалық жедел жәрдем станциясында 2014 жылы 56 санитарлық автокөлік болған, сол жылы облыстық бюджеттен 4 көлік алынып, барлығы 60 көлік болды. 2018 жылдың 1 шілдесінен бастап, жедел жәрдем қызметі орталықтандырылып, “Жамбыл облыстық жедел жәрдем станциясы” болып өзгертілді. Айта кету керек, 2018 жылы 253,0 млн теңгеге 27 дана автокөлік сатып алынған болатын. Биыл бұл салаға бөлінген жедел жәрдем көліктері былтырғы жылмен салыстырғанда 12 данаға көбейгеніне олар дән риза. Әсіресе, су жаңа 11 жедел жәрдем көлігін ауылдарына айдап қайтқан қордайлықтардың қуаныштары ерекше.

Оставьте ответ

Ваш электронный адрес не будет опубликован.