8 айдың қортындысы бойынша допинг қолдану жағынан ауыр атлеттер көш басында. 9 зілтемірші тиым салынған «дәрі-дәрмек» қолданған.
Спортшылар халықаралық жарысқа қатысу кезінде әшкере болды. Допинг дауына көп іліккендер арасында шаңғы-биатлоншылар екінші орында. Олар салмақ қуу, қанды қайта құю, күш беретін витаминдер мен қоса тиым салынған препараттар қолданған.
Алдағы уақытта «Допинг туралы заң» қабылданса спортшыларға қарсы қолданылатын әкімшілік жаза күшейеді. Оның ішінде жеңіске жеткен спортшыларға берілетін пәтерді өз аттарына аударуға 10 жылға дейін тыйым салынады. Өйткені допинг-сынамалары зертханада он жылға дейін сақталады. Айта кетейік, Қолданыстағы заң бойынша Олимпиада, паралимпиада, сурдлимпиада ойындарынан алтын алса — 3, күміске — 2, қола медальға — 1 бөлмелеі пәтер беріледі.
«Мәжілісімендер 2-оқылымда қабылдаған заң қазір сенат қарауында. Заң бойынша спортшылар допингпен ұсталса жарыстан шеттеліп қана қоймайды, өмір бойы алатын сыйақыдан қағылып, команда құрамынан шығарылады. Бұл талап бапкерге де қатысты. Жеңімпаз медалін ғана емес, мемлекеттен алған сыйақыны да қайтаруға міндетті. Сынамаларды Германияның Дрезден қаласындағы зертханаға жіберіп, тексертеміз», — деді Спорт және денешынықтыру істері комитетінің баспасөз хатшысы Раухан Тоғымбаева
