Кеше ағылшын боксшысы Каллум Смитті жеңіп, екінші орта салмақта WBC және WBA титулдарын иеленген мексикалық Сауль «Канело» Альварес келесі жекпе-жегін үш айдан кейін Мексикада өткізбек. Бұл туралы «Канелоның» бапкері Эдди Рейносон Boxing Social порталына берген сұхбатында айтты.
Оның айтуынша, Альварес келесі жекпе-жегінде екінші орта салмақта өткізуді жоспарлап отыр.
«Келесі жекпе-жекті үш айдан кейін Мексикада өткізуді жоспарлап отырмыз. Екінші орта салмақта Билли Джо Сондерс немесе Калеб Плантқа қарсы белбеу біріктіретін кездесу өткізгіміз келеді. Оның өткен айқасына өте ризамын, қалай шабуылдағанына, өзінікін жүргізе алғанына. Бәрінен бұрын жеңіске қуаныштымын. «Канело» салмақ дәрежесіне қарамастан ең мықты боксшы екеніне күмән жоқ. Ол карьреасын аяқтағанда, бокс тарихындағы ең мықтылардың бірі болып қалары сөзсіз» деді Эдди Рейносон.
Сауль Альварес — қазір орта салмақтағы (72,5 килограм) және екінші орта салмақтағы (76,2) деңгейі ең жоғары WBC және WBA тұжырымдары бойынша әлем чемпионы.
