Тараз қаласындағы жалпы білім беретін күндізгі 60 мектеппен 1 кешкі мектебінде жалпы 70 969 бала жаңа оқу жылын бастаса, оның ішінде күндізгі мектептерде 70 717 оқушы және кешкі мектепте 252 оқушы, — деп хабарлайды Tarazy.kz.
Оның ішінде арнайы сыныптарда түзете–дамыту оқыту бағдарламасымен – 265, инклюзивті біліммен –171, үй жағдайында 647 оқушы біліммен қамтылған. Өткен жылмен салыстырғанда оқушылар саны 3814 балаға өскен (2018 жылы – 67 155 бала). Мұғалімдер саны 5911 бірлікті құрайды. Сонымен қатар, 186 мектеп алды даярлау сыныптарында 3672 бала білім алуда (2018 – 2019 оқу жылында – 185 сынып, 3897 бала).
2019 жылы жалпы білім саласына 28 миллиард 308,0 миллион теңге бөлінді немесе 2018 жылмен салыстырғанда 18,4 пайызға жоғары болып отыр. Жалпыға міндетті білім беру қоры шығындары есебінен аз қамтамасыз етілген отбасының балаларына 2019 жылға 1 миллиард 273,8 миллион теңге қаражат қарастырылған. Оның ішінде аз қамтамасыз етілген отбасылардың 11566 (2018 жылы – 10848 оқушы) баласының тегін ыстық тамағына – 722,2 миллион теңге, киім–кешекке 375,3 миллион теңге, жазғы мектеп жанындағы лагерьлерге 35,8 миллион теңге (7966 балаға), жазғы сауықтыру лагеріне 140,4 миллион теңге қарастырылған (3600 балаға).
Тараз қаласы әкімдігінің 2019 жылғы 14 наурыздағы №810 қаулысымен тегін ыстық тамақтың құны, бір балаға 450 теңге болып бекітілді. Мектептердегі модификациялы сыныптардың саны 115 бірлікті құрады. Оның ішінде химия – 22, физика – 24, биология – 24, лингафондық немесе мултимедиялық сыныптар – 45. Сондай–ақ 60 мектеп бейне бақылаумен, 59 білім мекемесі 393 интерактивті тақталармен қамтамасыз етілген. Қаладағы 60 мектептің барлығы кең жолақты интернет желісімен қамтылған. Сондай–ақ, қала маңындағы ара қашықтығы 3 шақырымнан асатын саяжайлардан 2232 оқушы 7 мектепке (№19,21,50,55,56,57,59) 17 автокөлікпен тасымалданады. Осы мектептердегі оқушылар саны өткен жылмен салыстырғанда 452–ге өсіп отыр. Осыған байланысты, 2 мектепке 2 автобус (№55 орта мектеп және №21 орта мектепке) сатып алуға 28,9 миллион теңге қаржы қарастырылып, автобустар сатып алынды.
Мектептердің материалдық–техникалық жағдайын нығайту мақсатында 2019 жылы №41 гимназияға биология кабинетін алуға 5,7 миллион теңге, №11 мектепке физика кабинетін алуға 7,1 миллион теңге, №18 мектепке химия кабинетін алуға 6,6 миллион теңге, 28 мектептің пандустарын талаптарға сәйкестендіруге 31,2 миллион теңге, 10 мектепке роботтехника кабинетін алуға 87,8 миллион теңге және 16 мектептің бейнебақылауын жаңартуға 55,2 миллион теңге қаражат қарастырылып, конкурстық жұмыстар жүргізілуде. Сонымен қатар, №5, 45, 51, 54 мектептерден IT сыныптарын ашуға жергілікті бюджеттен 44,6 миллион теңге қарастырылды. Мектептен тыс техникалық шығармашылық орталығынан технопарк ашуға 14,8 миллион теңге бөлінді.
2019 жылы жалпы білім беретін 55 орта және 1 кешкі мектептің 11 сыныбын барлығы 2144 оқушы (күндізгі мектептерде –2042, кешкі мектепте –102) бітірді.
«Алтын белгі» иегерлері –59, үздік аттестат иегерлері – 48, негізгі орта білім туралы үздік аттестат иегерлері – 270.
Ағымдағы жылы мектеп бітірушілердің саны 2144 оқушыны құраған, оның 1346 түлегі (61,8 пайыз) ҰБТ–ге қатысуға ниет білдірсе, нақты 1324–сі тестілеуге қатысты. 22 түлек өз еріктерімен тест тапсырудан бас тартқан. Тестілеу қорытындысы бойынша мектеп бітірушілердің орта балы 99,05 84,3 болып, 2018 жылдың көрсеткішімен салыстырғанда 14,75 балға артты (2018 жылы – 84,3). Жалпы ҰБТ қорытындысы бойынша 557 түлек 100 ден жоғары балға қол жеткізген. Оның ішінде, ең жоғары 137 балл алған – 1 түлек (№8 гимназия),130 балдан жоғары алғандар – 27 түлек, 100 балдан жоғары алғандар – 529 түлек.
Мектепке дейінгі білім мекемелеріне кезекке қою мен жолдама беру қызметін автоматтандыруды іске асыру мақсатында 14,1 миллион теңге және 1 сыныпқа оқушыларды қабылдау қызметіне 18,0 миллион теңге қарастырылып, ағымдағы жылдың 1 маусымынан бастап, баланы балабақшаға кезекке қою және жолдама беру (edugarden.kz), 1–сыныпқа қабылдау және лагерьге жолдама беру (eduschool.kz) қызметтерін онлайн алуға болады.
