АҚШ президенті Дональд Трамп Иранға қатысты әскери әрекеттер болуы мүмкіндігін жоққа шығармады. Бұл туралы америкалық көшбасшы ұлыбританиялық ITV басылымына берген сұхбатында мәлімдеді, — деп хабарлайды Lenta.ru порталы Reuters басылымына сілтеме жасап.
Мемлекет басшысы Иран президенті Хасан Роуханимен келіссөздер жүргізуге қуана келісетінін айтты. Алайда әскери әрекеттер мүмкіндігі туралы сұраққа ол былай деп жауап берді: «Әрдайым соғысу мүмкіндігі бар. Менің соғысқым келе ме? Жоқ. Ондайға барғым келмейді. Бірақ ондай мүмкіндік қала береді».
Трамптың айтуынша, Иран оның президент қызметіне кіріскенінен бастап-ақ жау көреді екен. «Сол кезде олар әлемдегі бірінші террорлық ұлт болды, мүмкін, бүгінде солай шығар», — деді ол.
3 маусымда АҚШ Иранмен жаңа ядролық келісімшарт жасауға дайын екендерін жариялады. Келісім бойынша, Иран жаппай жою қаруы алмайды.
15 мамырда Иран ресми түрде Бірлескен кешенді іс-қимыл жоспары бойынша қарастырылған ядролық бағдарламаның кейбір міндеттерін орындаудан бас тартты.
АҚШ пен Иранның қарым-қатынасы бір жыл бұрын шиеленіскен. 2018 жылдың мамыр айының басында Трамп Вашингтонның 2015 жылғы ядролық келісімнен бір жақты шығуы және Тегеранға қарсы санкцияларды қайта қалпына келтіру туралы жариялады. АҚШ-тың Иранға қарсы шектеу шараларының жаңа пакеті қараша айында күшіне енді. Санкциялар мұнай экспортына, өнеркәсіпке, саудаға және елдің Орталық Банкі операцияларына доллармен таралады.
