Қонаев қаласында Re.Women «Әйелдер және цифрлық әлем: бизнес, медиа, шабыт» атты форум өтті. Іс-шараға 100-ден астам әйел-кәсіпкер, сарапшы, пікір көшбасшылары мен мемлекеттік органдардың өкілдері қатысты.
Форум Мемлекет басшысы Қасым-Жомарт Тоқаевтың халыққа Жолдауында айтылған міндеттер аясында ұйымдастырылды. Президенттің айтуынша, жасанды интеллект пен цифрлық технологиялардың қарқынды дамуы бүкіл әлемді өзгертуде және Қазақстаннан нақты қадамдар жасауды талап етеді.
«Бүгінде әйелдер түрлі салада табысты еңбек етуде. Сіздердің жасампаз энергияларыңыз бен мақсатқа адалдығыңыз ең батыл идеяларды іске асыруға мүмкіндік береді. Азаматтық ұстанымдарыңыз бен қоғамға деген жанашырлықтарыңыз айрықша құнды», – деді Президент, әйелдердің ел экономикасы мен дамуына қосып отырған үлесін атап өтіп.
Форумды Respublica партиясының Алматы облыстық филиалы мен Re.Women қауымдастығының өңірлік филиалы ұйымдастырды.
Спикерлер мен құрметті қонақтардың қатарында Respublica партиясының тең төрағасы Максим Барышев, Мәжіліс депутаттары Нұргүл Тау, Айтуар Қошмамбетов, Екатерина Смолякова мен Динара Наумова, сондай-ақ партияның Орталық аппараты жетекшісінің кеңесшісі Айдана Тоғызбаева болды.
Пікірталасқа бизнес өкілдері, қоғамдық ұйымдар мен цифрлық технология саласының сарапшылары қосылды.
Өз сөзінде Максим Барышев кәсіпкерлерді қолдау – партия үшін басты басымдықтардың бірі екенін атап өтті:
Нұргүл Тау қазақ қоғамындағы әйел көшбасшылығының маңызына тоқталды:
Форум бағдарламасына Impact Zone көрмесі енді. Онда кәсіпкер әйелдер әлеуметтік және туризм саласындағы жобаларын ұсынды. Сондай-ақ әйелдердің бизнестегі, цифрландырудағы және қоғамдағы рөліне арналған панельдік пікірталастар өтті. Қатысушылар әлеуметтік кәсіпкерлік, брендинг және PR бойынша тәжірибелік сессияларға қатысып, жасанды интеллект пен нейрожелілерді бизнес пен креативті индустрияда қолдану жайын талқылады.
Re.Women тәжірибе алмасатын, жаңа серіктестік пен ынтымақтастыққа жол ашатын алаңға айналды. Мұндай бастамалар әйелдерді жаңа жетістіктерге шабыттандырып қана қоймай, Қазақстанның цифрлық әрі экономикалық болашағын қалыптастыруға да үлес қосады.
