Бүгін Respublica партиясының Алматы қалалық филиалы мен депутаттары бірлесіп «MaxKids» абилитация орталығында ерекше қамқорлықты қажет ететін балалар үшін жаңа жылдық шырша ұйымдастырды. Бұл іс-шара орталықтың ашылу салтанатымен сәйкес келді.
Естеріңізге сала кетейік, аталмыш ғимарат Алматы қаласы әлеуметтік-кәсіпкерлік корпорациясынан алынып, іске қосылуы Қазақстан Республикасы Парламенті Мәжілісінің депутаты Нұргүл Тау ханым мен Алматы қалалық Мәслихат депутаттарының бастамасымен жүзеге асқан болатын. Бұл партияның маңызды жетістіктерінің бірі болып табылады, себебі инклюзияны қолдау — партия бағдарламасындағы басым бағыттардың бірі. Зағип балалардың жүзіндегі қуаныш пен олардың емделуіне өз үлесімізді қосудың өзі біз үшін үлкен жетістік.
