Алматы қаласында (Қазақстан) «Қазақстан-Әзірбайжан халықаралық форумы» атты іс-шара өтті, ол Әзірбайжанның ұлттық Көшбасшысы Гейдар Әлиевтің туғанына 102 жыл толуына арналды.
Форумды Әзірбайжан Республикасының үкіметтік емес ұйымдарын мемлекеттік қолдау агенттігінің қолдауымен «Қызылбаш» жастарды оқыту қоғамдық бірлестігі, ЮНЕСКО қамқорлығындағы Халықаралық Мәдениеттерді жақындастыру орталығы, Дүниежүзілік ахыска түріктері ассоциациясы (DATÜB), «Жібек жолы» халық дипломатиясы қоры және «Батыс Әзірбайжан» қауымдастығы ұйымдастырды.
Іс-шара Қазақстан мен Әзірбайжанның мемлекеттік әнұранымен басталды.
Форумға Әзірбайжан Республикасының Казақстандағы Елшілігінің Алматы қаласындағы өкілдігінің консулы Анар Гусеинзаде, Түркияның Алматыдағы Бас консулы Эврен Мүдеррисоглу, ЮНЕСКО қамқорлығындағы Халықаралық мәдениеттерді жақындастыру орталығының директоры, халық жазушысы, ақын, Қазақстанның Еңбек Ері, түркітанушы Олжас Сүлейменов (бейнеүндеумен), Әзірбайжанның халық ақыны Сабир Рүстемханлы, Әзірбайжан Республикасы Милли мәжілісінің депутаты Нагиф Хамзаев, Қазақстанның еңбек сіңірген қызметкері, профессор Ерболат Әлиядинұлы, Әзірбайжанның баспа кеңесінің мүшесі, «Yeni Çağ» медиа тобының жетекшісі Агиль Әлескер, ЮНЕСКО қамқорлығындағы Халықаралық мәдениеттерді жақындастыру орталығының директорының орынбасары Салтанат Әшімова, «Жібек жолы» халықаралық халық дипломатиясы ұйымының төрағасы Сейфулла Түрксой, тарих саласы бойынша PhD Игорь Крупко, сонымен қатар Әзірбайжан мен Қазақстанның танымал ғалымдары мен саяси қайраткерлері қатысты.
Анар Гусеинзаде іс-шараның ашылуында 44 күндік Отан соғысы кезіндегі ұстанымдарын баяндап, Әзірбайжанның аумақтық тұтастығын қолдауының жоғары бағалануы керек екенін атап өтті. Ол сондай-ақ Қазақстан мен Әзірбайжан арасындағы қарым-қатынастар аясында жүзеге асырылып жатқан жобалар туралы ақпарат берді.
Түркияның Бас консулы Эврен Мүдеррисоглу түркі бірлігінің маңыздылығына тоқталып, Гейдар Әлиевтің түркі әлемінің ұлы тұлғасы болып, өз заманынан оза білгенін атап өтті.
Милли Мәжіліс депутаты Нагиф Хамзаев Батыс Әзірбайжаннан қоныс аударған азаматтар туралы айтып, Батыс Әзірбайжан — олардың шекараға жақын орналасқан жалғыз елі екенін атап өтті.
Олжас Сүлейменов бейнеүндеуінде Әзірбайжанның Ұлы көшбасшысы Гейдар Әлиевтің Әзірбайжан халқы үшін еткен еңбегінің маңыздылығын баяндап, оның тұлғасынан көп нәрсе үйренуге болатынын атап өтті.
Сабир Рүстамханлы, Әзірбайжанның халық жазушысы, ақын өз сөзінде тәуелсіз түркі республикаларының дамуының маңыздылығын және көптеген елдерде әзірбайжандардың Батыс Әзірбайжанға оралуына байланысты іс-шаралар өткізілгендігін атап өтті. Ол Қазақстанның әзірбайжандықтардың екінші Отанына айналғанын айтып, өз сөзін өлең жолдарымен аяқтады.
Жобаның жетекшісі, Әзірбайжанның Баспа кеңесіне мүше, «Yeni Çağ» медиа тобының директоры Агиль Әлескер Батыс Әзірбайжанға оралу Карабахқа оралу сияқты жүзеге асатынына сенімділігін білдірді. «Біз міндетті түрде осы түркі жерлеріне ораламыз. Біз бүгін туғанына 102 жыл толып жатқан Ұлттық көшбасшы Гейдар Әлиевтің ұлы тұлғасына тағзым етеміз. Президентіміз Ильхам Әлиевтің «Біздің отбасымыз — түркі әлемі, бірге болсақ біз күштіміз» деген сөздерімен қорытындылағаным жөн», — деді.
Содан кейін «Түркі әлеміндегі жаңа қиыншылықтар» тақырыбында панельдік отырысы өтті. Панельдік отырыстың модераторы «Ахыска» газетінің бас редакторы Ровшан Мәмедоглу болды.
Панельдік пікірталасқа «Goodwill AgNiet» қоғамдық қорының директоры Адлет Құмар, «Тұран» университетінің Халықаралық қатынастар және дипломатия жоғары мектебінің директоры Алтынай Мухамбедьярова және «Art Forum of Kazakhstan» халықаралық шығармашылық ұйымының бас директоры Ерназар Ғимарат қатысты. Пікірталас барысында Түркі мемлекеттер ұйымының қызметі мен түркі республикалары арасындағы ынтымақтастық мүмкіндіктері талқыланды.
Форум аясында Гейдар Әлиевтің 102 жылдық мерейтойына арналған көрме ұйымдастырылды. Көрмеде Гейдар Әлиевтің Орта Азия мен түркі республикаларына қатысты еңбек жолын көрсететін фотосуреттер және Батыс Әзірбайжандағы әзірбайжандық мәдениет пен тарихи мұраны көрсететін материалдар көпшілік назарына ұсынылды.
Іс-шараның соңында жиналғандар қорытынды мәлімдеме қабылданып, естелік суретке түсті.