30-тамыз – ҚР Конституция күні қарсаңында «Respublica» партиясның Алматы қалалық филиалында «БІЛІМГЕ ҚАДАМ» акциясы өтті, деп хабарлайды Tarazy ақпарат.
«Білімді ұлт – бақытты ұлт. Сапалы білім – табыс кілті» деп «Respublica» партиясы сайлауалды бағдарламасында атап көрсетілгендей, партиямыздың азаматтары білімге құштар өскелең ұрпаққа қашан да қолдау білдіріп келеді. Аталған акция “Respublica” партиясының тең төрағасы Сырымбек Таудың бастамасымен Қазақстанның әр өңірінде өткізілген болатын. Алматы филиалында өткен іс-шарада халықтың әлеуметтік осал тобына кіретін 50-ге жуық бүлдіршінге “Алаш” топтамасымен толықтырылған сөмкелер таратылды. Алаш» топтамасы және барлығы отандық өнім екенін атап өту керек. Және бұл балақайларды ұлтжандылыққа, қазақ тарихын, ұлт зиялыларын тануға деген алғашқы қадам болмақ. Себебі әр өнімде Алаш арыстарының қанатты сөздері мен өлеңдері жазылған.
Бұл бастаманы іске асырып, “Білімге қадам” акциясын қолдаған “Olja Peak” компаниясының басшысы Керімжан Үрістемұлы болатын. Сондай ақ бұл күнде балақайларды тәтті тағаммен қуантқан “Шоқ Донер” тағамдар желісінің негізін қалаушы Әділет Серікұлына, партияның барлық іс-шарасына қолдау білдіріп жүрген «Amanat Global Holding» компаниясының басшысы Сандуғаш Жолдығалиқызына және Алматы қалалық филиалының ерікті әрі белсенді жастарына алғыс білдіреміз. Жақсы істер мен игі бастамамыз әрдайым нәтижелі болсын!
