Америкалық New York Post басылымы 25 сәуірде Солтүстік Корея басшысы Ким Чен Ынның қайтыс болғаны туралы хабарлады.
Басылым тілшілері гонконгтық БАҚ-қа сілтеме жасайды, ал олар өз кезегінде «сенімді дереккөздерге» сілтеме жасаған.
Сонымен қатар, басылым аты аталмаған жапондық басылымға сілтеме жасайды, онда Ким Чен Ын айдың басында жүрегіне жасалған отадан кейін «вегативті жағдайда жатқаны» яғни психикалық ауруға шалдыққан және қозғалыссыз жатқаны туралы дегенді меңзейді.
Мақалада «Бейжің жоғары шенді партиялық дереккөздердің» расталмаған хабарламалары да келтірілген, онда КХДР лидеріне жасалған ота сәтсіз болғанын, өйткені ота жасау кезінде хирургтың қолы қатты дірілдегені айтылған.
Ким Чен Ынның жағдайы туралы ресми мәлімет жоқ. Соңғы екі апта бойы ол ел алдына шықпаған.
Reuters мәліметінше, Қытай билігі Пхеньянға арнайы делегация жіберген, оның құрамында дәрігерлер де бар, олар Ким Чен Ын денсаулығына қатысты консультация жасауы керек болған.
Солтүстіккореялық лидердің денсаулығы нашарлағаны туралы қауесеттер осы аптада шықты. Ким Чен Ын жүрегіне жасалған отадан кейін оңалту курстарын қабылдап жүрген. Көшбасшының жиі темекі шегуі, артық салмақ пен тынымсыздықтан денсаулығы нашарлаған болуы мүмкін.
Жапондық «Иомиури» газеті оңтүстіккореялық және америкалық дереккөздерге сілтеме жасап, Солтүстік Корея 2019 жылдың соңынан Ким Чен Ынның орнына кандидатты дайындап жатқанын жазды. Болжаммен оның орнына қарындасы Ким Е Чжон келеді-мыс.
