Қазақстанның Тұңғыш Президенті Нұрсұлтан Назарбаев Ресей Президенті Владимир Путинмен кездесті, деп хабарлайды Tarazy ақпарат Кремльге сілтеме жасап.
“Владимир Путин Ново-Огаревода Қазақстанның Тұңғыш Президенті Нұрсұлтан Назарбаевпен кездесу өткізді”, – делінген Кремль сайтында жарияланған хабарламада.
Бұл жаңалық 13 желтоқсан, жұма күні кешкі 22:00-де жарияланды. Алайда, кездесудің егжей-тегжейі ашып айтылмаған.
Ново-Огарево – Мәскеу облысындағы Одинцов ауданының Усово ауылына жақын орналасқан XIX ғасырдағы тарихи усадьба. Бұл – Ресей Президентінің мемлекеттік резиденциясы, онда Владимир Путин жұмыс жиналыстарын және мемлекет басшыларымен кездесулер өткізеді.
Ресейдің “Известия” басылымының мәліметінше, кездесу барысында тараптар сыртқы саясат мәселелерін талқылаған.