2026 жылдың алғашқы бес айының қорытындысы бойынша Қазақстан банктері жалпы 1,04 трлн теңге таза пайда тапты. Бұл 2025 жылдың осы кезеңімен салыстырғанда 9,4%-ға төмен, деп хабарлайды Tarazy.kz
Ең табысты 10 банктің ішінде өткен жылдың сәйкес кезеңімен салыстырғанда таза пайдасын арттыра алған небәрі екі банк бар.
Ең көп пайда тапқан банктер
1-орын – Halyk Bank
Банк бес айда 398,3 млрд теңге таза пайда тапты. Бұл өткен жылдың осы кезеңіндегі 412,9 млрд теңгемен салыстырғанда 3,6%-ға аз.
2-орын – Kaspi Bank
Таза пайдасы 191,9 млрд теңгені құрады. Былтырғы осы кезеңде банк 216,5 млрд теңге пайда тапқан еді. Төмендеу – 11,4%.
3-орын – Банк ЦентрКредит
Банктың таза пайдасы 87,9 млрд теңгеге жетті. Бұл бір жыл бұрынғы 119,9 млрд теңгеден 26,6%-ға төмен.
4-орын – Отбасы банк
Мемлекеттік банк есепті кезеңді 68,9 млрд теңге таза пайдамен аяқтады. Бұл өткен жылғы 55,6 млрд теңгемен салыстырғанда 23,9%-ға көп.
5-орын – ForteBank
Банктың таза пайдасы 54,8 млрд теңгені құрады. Бұл былтырғы көрсеткіштен (72,6 млрд теңге) 24,5%-ға аз.
Қалған банктердің нәтижесі
6-орында – Alatau City Bank. Банк 43,3 млрд теңге таза пайда тапты. Бұл өткен жылғы 82,5 млрд теңгемен салыстырғанда 47,5%-ға төмен.
7-орында – Ситибанк Қазақстан. Банктің таза пайдасы 41,7 млрд теңгеге жетіп, өткен жылдың сәйкес кезеңімен салыстырғанда 14,4%-ға артты (36,5 млрд теңге).
8-орында – Bank RBK. Банк 22,8 млрд теңге таза пайда тапты. Бұл бір жыл бұрынғы көрсеткіштен 24,3%-ға аз.
9-орында – Банк ВТБ. Қаржы ұйымы бес айды 15,1 млрд теңге таза пайдамен аяқтады. Бұл өткен жылғы 20,4 млрд теңгеден 25,9%-ға төмен.
10-орында – Home Credit Bank. Банктің таза пайдасы 14,2 млрд теңгені құрады. Бұл былтырғы 16,5 млрд теңгемен салыстырғанда 14,2%-ға аз.
