Қазақстанда бір адамның атында 1015 пәтер тіркелген, деп хабарлайды Tarazy.kz
27 ақпандағы «Азаматтарға арналған үкімет» мемлекеттік корпорациясының мәліметі бойынша елдегі пәтер иелігі былай бөлінеді:
-
172 236 адамның екіден көп пәтері бар;
-
11 072 адамның бестен көп;
-
1 267 адамның оннан көп;
-
281 адамның жиырмадан көп;
-
74 меншік иесінің елуден аса пәтері бар.
Ең таңғаларлығы, бір жеке тұлғаның атына 1015 пәтер тіркелген.
Жалпы Қазақстан бойынша 3 470 289 пәтер есепке алынған. Ал халық саны — шамамен 20,5 миллион адам. Елдегі баспана қоры барлық отбасын толық қамтуға жеткілікті деп айту қиын.
Себебі тұрғын үйлердің едәуір бөлігі бірнеше пәтері бар адамдардың қолында шоғырланған. Осылайша көптеген азаматтың жеке баспанасы жоқ, салдарынан олар жалдамалы пәтерде тұруға мәжбүр.
