Қазақстанда Туризм және спорт министрлігіне қарасты комитеттердің бірін бөліп, қайта құру жоспарлануда. Тиісті қаулы жобасы «Ашық НҚА» порталында жарияланды, деп хабарлайды Tarazy ақпарат.
Үкімет қаулысы әзірге жоба күйінде. Онда Туризм индустриясын құру туралы жазылған.
«Туризм және спорт министрлігінің Туризм индустриясы комитеті құрамынан Ойын бизнесі және лотереяны реттеу комитетін бөлу арқылы қайта құрылсын», — делінген құжатта.
Ойын бизнесі мен лотереяны реттеу жөніндегі жаңа комитет «салалық мәселелерді дербес және жедел шеше алады». Қаулы жобасының салыстырмалы кестесінде Президенттің 30 мамырдағы қаулысын іске асыру мақсатында жаңа комитет құрылып жатқаны айтылған.
