Қызылорда, 1 наурыз – Бүгін Алғыс айту күніне орай Қызылорда қаласында қазақстандық алғашқы такси сервисіне тапсырыс беретін APARU агрегаторының ресми таныстырылымы өтті. Шараға 300-ге жуық қала тұрғыны қатысып, отандық зияткер қосымшаның мүмкіндіктерімен танысты.
Жиын Сыр елінің ардагерлер кеңесінің төрағасы Серік Дүйсенбаевтың ақ батасымен ашылды. Одан кейін облыстық AMANAT партиясының төрағасы Алмасбек Есмаханов құттықтау сөз сөйледі. Сондай-ақ APARU компаниясының акционерлері – Шаяхметов Ерлан мен Дементьев Максим жаңа сервисінің ерекшеліктері мен артықшылықтары туралы баяндады.
Компания әлеуметтік жауапкершілік аясында, қаладағы 500 көпбалалы отбасыға таксиде 1000 теңгелік тегін жүруге арналған промокодтар үлестірді. Сонымен қатар, 2000 қала тұрғынына 500 теңгелік жеңілдік беретін промокодтар таратылды.
Іс-шара соңында қатысушылар арасында бағалы сыйлықтар ұтысқа ойнатылып, мерекелік әндер шырқалды.
APARU – бұл қауіпсіз, ыңғайлы және отандық технологиялар негізінде жасалған жаңа такси агрегаторы. Astana HUB ең белсенді қатысушысы ретінде өзін танытып жүр. Компания қызметін жақын арада бүкіл Қазақстан бойынша кеңейту жоспарлануда.