2019 жылы әлеуметтік салаға 35 миллиард 775,7 миллион теңге немесе қала бюджетінің 49,9 пайыз бағытталды. Оның ішінде жұмыспен қамту және әлеуметтік қамтамасыз ету шығындарына 4 миллиард 319,6 миллион теңге қарастырылған (2018 жылы – 2 миллиард 23,1 миллион теңге), — деп хабарлайды Tarazy.kz.
2019 жылдың қаңтар – тамыз айларында 2 миллиард 446,2 миллион теңгеге 10242 отбасына әлеуметтік көмек көрсетілді, оның ішінде 2804 отбасына 113,2 миллион теңгеге тұрғын үй көмегі, 7438 отбасының 37184 адамына 2 миллиард 333,0 миллион теңгеге атаулы әлеуметтік көмегі тағайындалып төленді. Жыл басынан бері белсенді жұмыспен қамту шараларымен 3875 азамат қамтылды, оның ішінде мемлекеттің қолдауынсыз бос орындарға 1727 адам, әлеуметтік жұмыс орындарына 31 адам, жастар тәжірибесі бойынша 323 адам және қоғамдық жұмыс орындарына 709 адам, қысқа мерзімді кәсіптік курстарға 905 адам, шағын несие беру бойынша 9 адам және инфрақұрылымдық жобалар бойынша 171 адам орналасқан. Осы жұмыспен қамтылғандардың ішінде 1727 адам тұрақты жұмыс орындарына орналасқан.
Уәкілетті жұмыспен қамту органына ресми түрде жұмысқа орналасуға 4615 адам өтініш білдірсе, оның 2961 адамы жұмыспен қамтылды немесе 64,2 пайыз (2018 жылы 3095 адам 65,8 пайыз). 2019 жылға қоғамдық жұмыстарына 186,3 миллион теңге бөлініп, 630 адам жолдануы жоспарланған. Осы жылы қоғамдық жұмысшылардың жалақысы 56350–63750 теңгені құрайды. Ағымды жылдың басынан ақылы қоғамдық жұмысқа жұмыссыздар қатарынан 709 азамат қатыстырылды.
Қазіргі уақытта жұмыссыздық деңгейі 5,8 пайызды, ең төменгі күн көріс деңгейі 27 840 теңге, орташа номиналды айлық жалақы 131 458 теңгені құрады.
2019 жылға «Еңбек» Нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған бағдарламасы аясында 217,6 миллион теңге қаржы қарастырылып, 1571 адамды жұмыспен қамту жоспарланып, ағымдағы жылдың 8 айында 1305 адам қамтылды немесе 55,8 пайыз.
Бағдарламаның І–ші бағыты «Жұмысшы кадрларды еңбек нарығында сұранысқа ие біліктіліктер және дағдылар» қысқа мерзімді кәсіптік оқу тетігі бойынша облыстық бюджет есебінен 136,6 миллион теңге бөлініп, 960 адамды оқыту жоспарланған. Қазіргі таңда сұранысқа ие 30 мамандық бойынша 987 адамның тізімі жинақталып, қысқа мерзімді кәсіптік оқуға 517 адам жолданды.
Ал, ІІ бағыт бойынша 2019 жылға республикалық бюджеттен шағын несиелендіруге 801,0 млн теңге қаражат бөлініп, бүгінгі күні 9 азаматқа 113,9 миллион теңгенің шағын несиесі берілді.
Бағдарламаның III бағыты бойынша жастар тәжірибесін ұйымдастыру үшін республикалық бюджеттен 75,7 миллион теңге қарастырылып, 200 жас түлек тартылуы жоспарланған, айлық жалақылары 63,1 мың теңге, жыл басынан бүгінгі күнге дейін 323 жас маман жолданды. Сонымен қатар әлеуметтік жұмыс орнына республикалық бюджеттен 5,3 миллион теңге бөлініп, 25 адамды қамту жоспарланса, ағымдағы жылдың басынан 31 адам жолданды.
