Қазақстанның индустриялды картасынан тыс, бір инвестициялық жоба іске асырылуда. «GOODLOOK» ЖШС–нің күнбағыс пістесінен май өндіру зауытының құрылысын жүргізу, — деп хабарлайды Tarazy.kz. Жобаның құны – 1 миллиард 264 миллион теңге, қуаттылығы жылына 160,0 мың тонна, ашылатын жаңа жұмыс орындары – 36 бірлік.
Қазіргі таңда қосымша инвестициялар тарту мақсатында, Тараз қаласындағы айналма тас жолының бойында («Тараз металлугиялық зауыты» ЖШС–і жанынан) орналасқан 94,2 гектар жер теліміне индустриалды аймақ құру жоспарланып отыр. Аталған аймаққа инженерлік инфрақұрылым тарту үшін жобалық–сметалық құжаттамаларды әзірлеу үшін Тараз қаласы әкімінің 2019 жылғы 29 тамызында №3034 Қаулысымен Тараз қаласы әкімдігінің тұрғын жай–коммуналдық шаруашылық, автомобиль жолдары бөліміне тапсырма берілді.
Бүгінгі күнге индустриалдық аймаққа қызығушылық білдірген 9 кәсіпкер (жоба құны 6,253 миллиард теңге, жаңа жұмыс орны 548 бірлік) анықталып отыр. Олар:
– «Достық» ЖШС 1,5 га жерге құю цехының құрылысы бойынша және металлдан жасалған жабдықтар мен бұйымдарды дайындау жобасын жүзеге асыруды жоспарлап отыр. Жобаның шартты құны 283 миллион теңге, 60 жұмыс орнын ашуды көздейді;
– «Novacom technology» ЖШС 2 гектарға инфрақызыл сенсорлық әйнектер, ақпараттық дүңгіршектер, бақылау және қол жеткізу жүйелері (турникет), төлем терминалдары мен электрондық кезектер жүйелерін өндіру бойынша жобаны жүзеге асыруды көздейді. Жобаның болжамды құны 300 миллион теңге, жұмыс орындарының саны 30 бірлік;
– ЖК «Шинбатшаев» 1 га жер телімінде былғары және былғарыдан бұйымдар шығаратын зауыт құрылысын жоспарлап отыр. Жобаның шартты құны 300 миллион теңге, 31 жұмыс орнын ашу көзделуде;
– ЖК «Елібай» 1,5 га жерге көкөніс сақтау қоймасы бар жеміс–көкөніс дақылдарын қайта өңдеу цехын, қант қызылшасының тұқымын қайта өңдеу цехын және құрама жем мен шөп, ұн өндіру цехын іске қосуды жоспарлап отыр. Жобаның шартты құны 115 миллион теңге және жұмыс орындарының саны 9 бірлік;
– «Taraz Class» ЖШС 2 гектарда құрғақ құрылыс қоспаларын, гипс пен су эмульсиялық бояуларды өндіретін цехты кеңейтуді жоспарлап отыр. Жобаның құны 50 миллион теңге, онда 15 жұмыс орнын ашуды көздейді;
– «Мир–Раш» ЖШС 4 гектарда құрылыс материалдарын, бетон бұйымдарын және гранитті өңдеуді жолға қоюды жоспарлап отыр. Жобаның жоспарланған құны 600 миллион теңге, онда 30 жұмыс орны ашылады;
– ЖК «Танаш» 2 га жерге көкөніс қоймасын, құрылыс қолғаптарын, өзі кесетін (саморез) мен шеге шығаратын цех салуды көздеп отыр. Жобаның жоспарланған құны 105 миллион теңге және жаңа жұмыс орындарының саны 35 бірлікке дейін
– «KAZPLAST» ЖШС 2 гектарда тігін фабрикасының құрылысын жоспарлап отыр. Жобаның құны 1 500 миллион теңге. Мұнда жұмыс орындарының саны 250 адамды құрайды;
– «Алель Агро» АҚ 5 гектардамал азығы зауытының құрылысын салу жоспарлап отыр. Жобаның құны 2 600 миллион теңге және жұмыс орындарының саны 60 бірлік;
– «Everlight Alto» ЖШС 2 гектарда сыртқы жарықтандыру құрылғыларының өндірісін салу жоспарлауда. Жобаның құны 400 миллион теңге және жұмыс орындарының саны 28 бірлік.
