ҚР Президент Әкімшілігінің келісіммен Жамбыл облысы әкімінің өкімімен Жамбыл облысы әкімінің әлеуметтік салаға жауапты орынбасары болып Еркін Құлымбайұлы Үйсімбаев тағайындалды.
1977 жылы Жамбыл облысы Қордай ауданында дүниеге келген.
М.Х. Дулати атындағы Тараз мемлекеттік университетін (1999 ж.) «Инженер-механик» мамандығы бойынша, Ж. Баласағұн атындағы Қырғыз мемлекеттік университетін (2002 ж.) «Заңгер» мамандығы бойынша және Қазақстан Республикасы Президентінің жанындағы Мемлекеттік басқару академиясын (2008 ж.) «Жергілікті және мемлекеттік басқару» мамандығы бойынша магистратура және (2018 ж.) «Әлеуметтік жұмыс» мамандығы бойынша докторантура бітірген.
Еңбек өтілі
1999-2002 жж., Қордай а., Шымкент қ. – өндірістегі жұмыс;
2002-2005 жж., Қордай ауданы әкімі аппаратының Ішкі саясат және әлеуметтік сала бөлімінің бас маманы, Қордай ауылы;
2005-2008 жж., Жамбыл облысы әкімдігінің Ішкі саясат департаментінің жастармен және жастар бірлестіктерімен жұмыс жөніндегі бөлімінің бас маманы, Тараз қаласы;
2008 ж., Жамбыл облысы әкімдігінің ішкі саясат басқармасының ақпараттық саясат және бұқаралық ақпарат құралдарының мониторингі бөлімінің бас маманы, жастармен және жастар бірлестіктерімен жұмыс жөніндегі бөлімінің бастығы, басқармасы бастығының орынбасары;
2008-2010 жж., Жамбыл облысы әкімі аппараты әлеуметтік-саяси бөлімінің меңгерушісі, Тараз қаласы;
2010-2012 жж., Қордай ауданы әкімінің орынбасары, Қордай ауылы;
2012-2013 жж., Жамбыл облысы әкімдігінің Жастар саясаты мәселелері басқармасының басшысы, Тараз қаласы;
2013-2014 жж., Қазақстан Республикасы Білім және ғылым министрлігінің Жастар ісі комитеті төрағаның орынбасары, Астана қаласы;
2014-2016 жж., Қазақстан Республикасы Білім және ғылым министрлігінің Жастар саясат департаменті директордың орынбасары, Астана қаласы;
2016-2018 жж., Қазақстан Республикасы Дін істері және азаматтық қоғам министрлігінің Жастар саясат департаменті директордың орынбасары, Астана қаласы;
2018-2019 жж., Қазақстан Республикасы Қоғамдық даму министрлігінің Қоғамдық жаңғырту департаменті Жаңғырту бағдарламаларын үйлестіру басқармасының басшысы, Астана қаласы;
2019 ж., Қазақстан Республикасы Ақпарат және қоғамдық даму министрлігінің «Рухани жаңғыру» бағдарламасын үйлестіру департаментінің Ведомствоаралық үйлестіру және өңірлік өзара іс-қимыл басқармасының басшысы, Нұр-Сұлтан қаласы;
2019-2020 жж., Қазақстан Республикасы Ақпарат және қоғамдық даму министрлігінің Этносаралық қатынастар дамыту департаменті директордың орынбасары, Нұр-Сұлтан қаласы;
18.05.2020 ж. осы күнге дейін, Қазақстан Республикасы Ақпарат және қоғамдық даму министрлігінің Этносаралық қатынастар дамыту Комитеті төрағасының орынбасары, Нұр-Сұлтан қаласы.
