Жамбыл облысында тіркемесіне 25 тонна қарбыз тиелген КамАЗ аударылды. Жолда шашылған қарбыздарды көліктер таптап өтіп жатыр, – деп хабарлады КТК арнасы.
Апат болған сәтте машиналардың да аялдауына тура келді. 25 тонна қарбызы бар КамАЗ Түркістаннан Таразға келе жатып, орта жолда аударылған. Полицияның мәліметінше, жүргізуші рөлге ие бола алмай, жүк көлігі теңселіп барып жол жиегіне төңкерілген. Көлік тізгіндеген 28 жастағы азамат жарақат алып ауруханада жатыр.
Ал қарбыздың кімге тиесілі екені, әрі оның қанша шығынға ұшырағаны әзірге белгісіз.
