Адамзат тарихында өшпес із қалдырған Ұлы Отан соғысындағы Жеңістің 75 жылдығына орай Жамбыл облысында айрықша акция бастау алды. «Ұлы Жеңіске – 75 жыл» мерекелік акциясы аясында облыстың өнер шеберлері жылжымалы экипажбен Тараз қаласының тұрғындарына ерекше көңіл-күй сыйлады.
Жылжымалы экипаж бағдарламасы ең алдымен «Жеңіс» саябағынан бастау алды. К.Әзірбаев атындағы Жамбыл облыстық филармониясының өнерпаздары радио құрылғысы арқылы тұрғындарға мерекелік құттықтау жолдап, әскери және патриоттық әндерден радиокопозияциялар ұсынды. Ал облыстық қазақ және орыс драма театрларының өнер шеберлері хас батырлар Б.Момышұлының, Ә.Молдағұлованың, Р.Қошқарбавтың бейнелерін сомдап, А.Константинованың «Фронтовая любовь» диалогын орындады.
Сұрапыл соғыстағы батырлардың өшпес ерлігіне, өлшеусіз еңбегіне құрмет көрсетуге бағытталған акцияны қала тұрғындары ерекше қабылдады. Олар экипаж мүшелерінің өнерін үйлерінің балкондарынан тамашалап, ризашылықтарын қошемет көрсету арқылы білдірді.
«Жеңіс» саябағанына соң экипаж бағыты орталық «Достық» алаңы арқылы Абай, Әйтеке би, Ташкент, Көшеней сияқты негізгі көшелерге ұласты. Одан соң экипаж мөлтекаудандарды, Тәуке хан, Төле би көшелерін жүріп өтіп, «Жеңіс» саябағына қайта оралатын болады.
Қала тұрғындары аталған ацияны «Жамбыл облыстық мәдениет басқармасы» фейбук парақшасынан тікелей эфирде тамашалай алады.
1941-1945 жылдардағы Кеңес одағының Ұлы Отан соғысы екінші дүниежүзілік соғыстың құрамдас бөлігі ретінде тарихта қалды. Қазақстаннан ҰОС алғашқы кезеңінде 14 атқыштар дивизиясы мен атты әскерден алты бригада майданға аттанды. Қазақстаннан 497 жауынгер Ұлы Отан соғысында көрсеткен ерліктері үшін Кеңес Одағының Батыры атағын алды. Кеңес Одағы үшін екінші дүниежүзілік соғыстағы жеңіс өте қымбатқа түсті, жиырма жеті миллионнан астам жауынгер майданнан оралмады, оның 603 мыңы қазақстандық майдангерлер еді.
Ұлы Отан соғысы 1941 жылы 22 маусымда нацистік кезеңде басталды, 1939 жылғы кеңес-герман шарттарын бұзған Германия КСРО-ға шабуыл жасады. Соғыс Кеңес Одағының барлық халықтары, соның ішінде қазақ халқы үшін үлкен сынақ болды.
Ұлы Отан соғысының батыры Бауыржан Момышұлы: соғыс біздің миллиондаған отандастарымыздың жүрегінде өшпес із қалдырды. «Ұлы Отан соғысы» ̶ біздің заманымызда ғана емес, болашақ үшін де игілікті және толғандыратын әрі қызықты тақырып.
Қазақстандықтар біріңғай елдің азаматтары ретінде соғысқа белсенді және жаппай қатысты. Көптеген еріктілер майданға аттанып, Мәскеу, Сталинград және Курск доғасының астында шайқасты. Майданға республиканың 18-ден 50 жасқа дейінгі ер азаматтарының 70 пайызы кетті. Ұлы Отан соғысының 1418 күні Кеңес мемлекетінің, соның ішінде Қазақстан тарихында аса күрделі кезең болды. Солдаттар мен офицерлер өз өмірлерін аямай, фашистерді талқандап, фашистік Германияны тізе бүктірген. Рейхстагқа жеңіс туын лейтенант Р. Қошқарбаев, сержант М. Егоров, кіші сержанттар М. Кантария, П. Щербина, қатардағы жауынгерлер Г. Булатов, И. Прыгунов және Н. Бык сияқты азаматтар тікті. Кеңес Одағының Батыры атағы 497 қазақстандықтарға берілді.
Қазақстан майданды әскери техникамен, тамақпен және киіммен қамтамассыз етуде үлкен рөл атқарды. Көптеген зауыттар мен фабрикалар елге көшіріліп, майданның тұрақты арсеналына айналды. Барлық кәсіпорындар қорғаныс өнімдерін шығаруға көшті.Тылдың негізгі ауырлығын зауыттар, колхоздар, өнеркәсіп кәсіпорындары алды. Ауыр жағдайларда әйелдер, қарттар мен балалар майдангерлерді барлық қажеттіліктермен қамтамасыз ете отырып, жанкешті еңбек етті.
Жеңіс күніне орай дәстүрлі түрде Қазақстанның барлық ірі қалаларында мерекелік іс-шаралар өтеді. Көшелерде әскери техникалар, ат шеруі, Мәңгілік алауға гүл қою рәсімі, мерейтойлық отшашу өтеді. Концерттер, мәдени-көпшілік іс-шаралар, мерейтой медальдарын тапсыру, суретшілердің, халық шығармашылығының, Ұлы Отан соғысына арналған кітаптардың көрмесі және т.б. ұйымдастырылады.