«Сәтсіз әзіл». Аудан әкімі лауазымын сатып алмақ болған шенеунік қызметінен босатылды

0

Меркі ауданы әкімінің орынбасары Мейіржан Сүлейменовтің ісі Жамбыл облыстық Әдеп жөніндегі Кеңес отырысында қаралды. Ол жергілікті кәсіпкерлердің бірімен телефон арқылы сөйлесіп, аудан әкімі лауазымын сатып алмақ болған, — деп хабарлайды Жамбыл облысы әкімінің баспасөз қызметі. 

Мейіржан Сүлейменов болса, бұл жай ғана достар арасындағы әңгіме барысындағы әзіл екенін айтқан.

«Енді телефонмен кім не айтпайды? Сондай әңгіме болған шығар. Иә, Алматыға ауысамын деген жоспар болған. Бірақ ол жерде жолдастармен салмақты әңгіме болған емес. «Сатып аламын, осыншама ақша беремін» деген. Ойнап, достармен бір жерде айтқан шығармын», — дейді Меркі ауданы әкімінің орынбасары Мейіржан Сүлейменов әдеп кеңесінде. 

Әдеп жөніндегі Кеңес шенеуніктің лауазымын төмендетуді ұсынды. Облыс әкімі Асқар Мырзахметовтің тапсырмасы бойынша сыбайлас жемқорлық құқық бұзушылықтардың алдын алу мақсатында Мейіржан Сүлейменов атқарып отырған қызметінен босатылды.

Айта кетейік, осыған дейін КТК телеарнасы Жамбыл облысында әкім лауазымын сатып алғысы келген шенеуніктің басы дауға қалғаны туралы жазды. Меркі ауданы әкімнің орынбасары Мейіржан Сүлейменов өзінің басшысының жайлы орнын иеленуге 50 мың доллар бермек болыпты. Басшы болудан дәмелі шенеуніктің телефонмен сөздері ұлттық бюроның қолына тиген.

«Рустамбеков айтады, сенің мәселең шешіліп жатыр, солай-солай деп. Бұл кісі жауап береді. Сұрайды. Тағайындалған кезде 200 мың доллар болмай ма, үстеме сұрамайма, азар болса 50 мың шығар бере алатыным, кейін оны қайдан шығарып аламын деген сияқты әңгімелер. Сондай бірнеше әңгіме. Шөленбаев Бақытқан деген кісімен. Нақты тағайындалу бойынша. Аудан әкіміне», — дейді Жамбыл облысы бойынша сыбайлас жемқорлыққа қарсы іс-қимыл департаментінің аса маңызды істер жөніндегі офицері Қайрат Дүнбаев.

Оставьте ответ

Ваш электронный адрес не будет опубликован.