Бердібек Сапарбаев Жамбыл облысының әкімі қызметіне тағайындалды, — деп хабарлайды Ақорда.
«Бердібек Машбекұлы Сапарбаев Жамбыл облысының әкімі болып тағайындалсын, ол Қазақстан Республикасы Премьер-Министрінің орынбасары қызметінен босатылсын», — делінген Жарлықта.
Бердібек Сапарбаев Үкімет басшысының орынбасары қызметіне 2019 жылдың тамызында тағайындалды.
Осыған дейін аймақ басшысы Асқар Мырзахметовтің қызметінен кеткені хабарланған болатын.
Қарапайым тілмен айтқанда бұл шенеуніктер арасындағы рекорд. Қазақстанда бұрын соңды бес облыста әкім болған шенеунік болмаған. Сапарбаев әр жылдары Қызылорда облысының әкімі, Оңтүстік Қазақстан облысының әкімі, 2009 жылдың 4 наурызынан 2014 жылдың 11 қарашасына дейін Шығыс Қазақстан облысын басқарған. Ал 2015 жылы қыркүйекте Ақтөбе облысының әкімі қызметіне кіріскен. Сондай-ақ, министрліктерде басшы болды.
Мырзахметовтың қызметінен кетуіне күні кешегі Қордайдағы қазақ-дүңген қақтығысының тікелейі әсер болғаны анық. Ал осы оқиғаға байланысты Үкімет комиссиясын басқарып келген Сапарбаев осы облыстың басшысы болып қалып қойды.
