Бұған дейін ҚР Цифрлық даму, инновациялар және аэроғарыш өнеркәсібі министрлігін басқарған Бағдат Мусин енді «Қазақтелеком» АҚ басқарады, деп хабарлайды Tarazy ақпарат.
Бұл туралы Самұрық-Қазына әл-ауқат қорының Telegram арнасында жазылды.
«Самұрық-Қазына» АҚ Директорлар кеңесінің шешімімен Қазақстан Республикасы Цифрлық даму, инновациялар және аэроғарыш өнеркәсібі министрлігінің бұрынғы басшысы Бағдат Мусин «Қазақтелеком» АҚ басқарма төрағасы болып тағайындалды», деп жазылған хабарламада.
Бағдат Мусин 2004 жылы Сүлеймен Демирел атындағы университетінде «Есептеу техникасын бағдарламалық және техникалық қамтамасыз ету» мамандығында білім алған. 2006 жылы Қазақ құқық және халықаралық қатынастар институтын заңгер мамандығы бойынша тәмамдайды. Еңбек жолын 2004 жылы «Ұлттық ақпараттық технологиялар» АҚ-да бағдарламалық қамтамасыз ету жөніндегі бас инженері болып бастады.
