Денсаулық сақтау министрі Елжан Біртанов Bek Air ұшағы апатынан зардап шеккен науқастың жағдайын білді, — деп хабарлайды Tengrinews.kz тілшісі.
Біртанов Facebook желісіндегі парақшасында елордадағы травматология және ортопедия ҒЗИ-да болғанын айтты. «Орталықта Алматы маңында әуе апатынан зардап шеккен науқас жатыр. Санитарлық авиация кеше 14:40-та жеткізді. Зардап шеккен әйелдің жағдайы орта деңгейдегі ауырлық. Ол көптеген жарақат алған және көп қан жоғалтқан. Өміріне қауіп жоқ. Орталық мамандары қажетті зерттеулер жүргізіп, ота жасауға дайындап жатыр. Қазіргі уақытта ТОҒЗИ директоры, профессор Нұрлан Батпеновтың қатысуымен емдеу шараларының бірінші кезеңі өтті», — деп жазды министр.
Біртанов әуе апатынан зардап шеккендерге қажетті емдеу шаралары көрсетіліп жатқанын атап өтті. Республикалық ҒЗИ мен орталықтардың үздік мамандары тартылды. Министр зардап шеккендердің жағдайы жеке бақылауына алған.
Сондай-ақ, министр басқа да екі ауыр науқасты емдеу кезеңдерімен танысты.
© facebook.com/byelzhan
Напомним, авиакатастрофа с самолетом Bek Air, вылетевшим из Алматы в Нур-Султан, произошла рано утром 27 декабря. Лайнер упал недалеко от алматинского аэропорта. На борту находились 93 пассажира и пять членов экипажа. В результате крушения погибли 12 человек.
Еске салайық, 27 желтоқсанда таңғы уақытта Алматыдан Нұр-Сұлтанға ұшып шыққан Bek Air ұшағы апатқа ұшырады. Бортта 93 жолаушы және бес экипаж мүшесі болған. Апат салдарынан 12 адам қаза тапты.
