Мемлекет басшысы Қасым-Жомарт Тоқаев мопедтерді мемлекеттік тіркеу нөмірлерінсіз және жүргізуші куәлігінсіз басқаруға тыйым салатын заңға қол қойды. Сонымен қатар, 2024 жылдың желтоқсан айының басында жолдарда орташа жылдамдықты тіркеу жүйесі енгізіле бастайды, деп хабарлайды Tarazy ақпарат kolesa.kz-ке сілтеме жасап.
2024 жылғы 3 қазанда Қазақстан Республикасының президенті Қасым-Жомарт Тоқаев «Жол қозғалысы туралы» заңға және Әкімшілік кодекске түзетулер енгізу туралы заңға қол қойды. Бұған дейін бұл өзгерістерді отандық сенаторлар мақұлдаған болатын.
Негізгі өзгерістер:
•Мопедтерді міндетті тіркеу, оларға техникалық тіркеу құжаты мен мемлекеттік нөмір беру енгізіледі. Сондай-ақ, оларды басқару құқығы А1 кіші санаттағы жүргізуші куәлігімен расталуы тиіс. Бірақ А және В санатындағы құқықтары бар азаматтарға да мопед жүргізуге рұқсат етіледі.
•Елде орташа жылдамдықты тіркеу жүйесі іске қосылады, ал оның есептеу тәртібі халықаралық және республикалық маңызы бар жалпы пайдаланымдағы жолдардың ұзындығын, автомобильдің жүріп өткен уақыт аралығына бөліп есептеледі. Қалалық көшелерде орташа жылдамдықты тіркеу қарастырылмайды.
•Қазақстанда мас күйінде көлік жүргізіп, жүргізуші куәлігінен айырылған азаматтарға 7 немесе 8 жыл бойы жүргізуші куәлігін қалпына келтіру үшін емтихан тапсыруға тыйым салынады.
•Әкімшілік құқық бұзушылық туралы кодекске жылдамдықты белгіленген мөлшерден 40-60 км/сағ, сондай-ақ 60 км/сағ және одан жоғары асырған жүргізушілер үшін жаңа айыппұлдар енгізіледі, сонымен қатар, қайталанған құқық бұзушылықтар үшін қосымша жауапкершілік шаралары қарастырылған.
•Күндіз жарық шамдарын қоспағаны үшін ескерту беріледі. Бұл тек егер құқық бұзушылық алғаш рет орын алса ғана қолданылады. Әкімшілік кодексте бұл үшін балама ретінде ақша айыппұлы алынып тасталады.
