Абайдың 45 сұрағына алғаш болып жауап берген — Мәжіліс депутаты Нұртай Сабильянов
Нұртай Сабильянов депутат болғанына неше жыл, неше ай, неше күн болғанын шатаспай есептеп берді. Белгілі журналист Серік Абас-Шахтың әжуаларына еш ренжімейтінін де айтты. Өзі туралы неше кітап жарық көргенін, меншігінде не барын бүкпесіз түгендеп берді. Депутат туралы басқа да қызық мәліметтерді «Абайдың 45 сұрағы» жобасынан көріңіз.
«Абайдың 45 сұрағы» — «Азаттық рухы» ақпарат агенттігінің YOUTUBE желісіндегі жаңа жобасы. Саясаткер, ғалым, депутат, қоғам қайраткері сияқты танымал тұлғалар бұдан былай журналист Абай Сейфулланың нақты сұрақтарына қысқа әрі нұсқа жауап береді. Кейбір сұрақтар спикер үшін қолайсыздық туғызуы мүмкін, бірақ жоба сонысымен де құнды әрі қызықты.
