Алматы полиция департаменті маусымның 10-нан 11-не қараған түні қоғамдық тәртіпті бұзу туралы, атап айтқанда, түнгі уақытта қала бойынша санкцияланбаған митинг және кейінгі шеру фактісі бойынша мәлімдеме жасады.
Полиция мәліметінше, кеше, 2019 жылы 10 маусымда шамамен 18:00 және 2019 жылы 11 маусым 02:00 аралығында Алматы қаласында бірнеше адамдар тобы қоғамдық тәртіпті бұзды. Осы заңбұзушылықтарға қатысқандарды полиция ұстады.
«Жақын арада аталған оқиғаларға құқық қорғау органдары тарапынан толық құқықтық баға берілетін болады. Сонымен қатар, инсинуацияны болдырмау және халықты анық хабардар ету мақсатында полиция қазіргі уақытта расталған бірқатар деректерді айтқым келеді», — деді полицейлер.
10 маусымда 18:00 шамасында «Алғабас» ықшамауданында «Алатау» театрының алдында Р. Заитовтың шақыруымен бір топ адам рұқсат етілмеген митинг өткізу мақсатында жиналды. Тарау туралы талап етілгеніне қарамастан олар құлақ аспай, полицияға қарсылық көрсетті және ұсталды. Сондай-ақ, кейбірі Алматы Арена маңындағы жолды жапты.
Заитовпен әңгімелесуден кейін ол босатылды. Сонымен қатар, Алматы қалалық полиция департаментінің («Целиный» ғимараты) алдында оны қолдау үшін бір топ адам жиналды. Заитов үйінен келіп, олардың тарауын өтінді және арандатуға жол берілмеуін сұрады.
Жиналғандар бірнеше топқа бөлініп, қаланың әр бөлігіне тарады. Бірақ, олардың бірі жеке автокөліктермен Төле би және Абай даңғылдарындағы қозғалысты бұғаттады. Ені үш-төрт колоннаға сапқа тұрып, дыбыс сигналдарын іске қосып, төмен жылдамдықта қозғала отырып, авто терезелерінен шығып, олар іс жүзінде қалыпты қозғалысты шектеді. Сонымен қатар, осы көшелерде жол бойында қозғалыстарды, қиылыстарды жауып, апатты жағдайларды туғызып, адамдар тобы жүрді. Адамдар өздерін агрессив, қатты айғайлап, ысқырып, өздерін бейәдеп ұстады.
Құқық бұзушылар қандай да бір нақты талаптар қоймаған.
«Заңсыз акция қатысушылары бірнеше қылмыстық әрекет жасады. Мәселен, түнгі уақытта Төле би даңғылы мен Өтеген батыр көшесінің қиылысында «Сайран» автовокзалына қарама-қарсы заңсыз акцияға қатысқан автокөлікті жол қозғалысын реттеу қызметін атқарып жүрген жол-патрульдік полиция қызметкері қағып кетті. Дәрігерлер оның оң жіліншігінің жамбас сүйегінің сынғанын анықтады. Жүргізуші қылмыс орнынан бой тасалаған, алайда ол көп ұзамай ұсталды және оған ҚР Қылмыстық кодексінің 345-бабы бойынша іс қозғалды», — деді полицияөкілдері
Алматы қаласының Алатау ауданында кешкі уақытта бір топ адам мас күйде полиция автокөлігіне зақым келтірген. Олар көлікке тас лақтырып, терезесін шаққан. Тәртіп бұзушылар ұсталды.
Осы дерекке қатысты ҚР Қылмыстық кодексінің 293-бабы бойынша сотқа дейінгі тергеу шаралары жүргізіліп жатыр.
«Аталған құқық бұзушылықтар бойынша кешкі және түнгі уақытта полицияның жедел басқару орталығына «102» пультіне қалалықтардан 1250 өтініш келіп түсті. Оның 70 пайызы түнгі оқиғалар болды. Тұрғындар түнгі уақытта шу мен айғайлардан үрейленген. Жүргізушілер жол қозғалысы ережелерін өрескел бұзғандарға наразы болды. Полиция органдары заңсыз іс-әрекеттердің жолын кесу бойынша тиісті шаралар қабылдады. Құқық бұзушылар ұсталды», — делінген полиция мәлімдемесінде.
Қазіргі уақытта Алматыдағы жағдай толығымен бақылауға алынды. Көлік және барлық қызметтердің қалыпты жұмыс істеуі қамтамасыз етілді. Көшелерде қауіпсіздікті қамтамасыз ету бойынша барлық шаралар қабылданды.
Полиция қоғамдық тәртіпті бұзуға жол бермейтінін, кез келген құқыққа қайшы әрекеттерге, азаматтардың өмірі мен қауіпсіздігіне қатер төнетін заңға қайшы әрекетке барғандар заң аясында жауапкершілікке тартылатынын мәлімдеді. Қосымша мәліметтер ақпараттың нақтылануына қарай БАҚ-та хабарланатын болады.
