Елорданың «Барыс» хоккей клубының жаңа маусымдағы ойыншыларының жалақысы белгілі болды. Ресейлік «Спорт Экспресс» басылымының жазуынша, ең жоғары жалақы канадалық Уилл Бутчер мен Майкл Маклаудқа тиесілі, деп хабарлайды Qaz365.kz.
Канадалық қос ойыншы «Барыстың» қалтасын қағатын ең қымбат хоккейшілер. Оларға 60 миллион рубль, біздің ақшамен 314, 9 миллион теңге жалақы төленеді.
Дамир Жафяров пен Антон Бурдасов 50 және 40 миллион рубль (262,4 және 209,9 млн теңге) алады.
Легионерлерді есепке алмағанда, қазақстандықтардан ең жоғары Кирилл Савицкийге тиесілі. Ол 125,9 миллион теңгені санап алып отыр. Одан кейін 110,2 миллион теңге жалақымен Роман Старченко тұр. Ал үздік үштікті Кирилл Панюков аяқтады. Оның жалақысы 104,9 миллион теңге.
Ең жалақысы төмен – Батырлан Мұратов. Ол 6 миллион рубль (31,4 млн теңге) алады.
Еске салсақ, бұл сомаға хоккейшілерге берілетін бонустар кірмейді, бұл спортшыларға негізгі жалақысы ретінде беріледі.